[A:600]pa dang / khyab 'jug dang / chu bdag dang / brgya byin dang / drag po dang / me lha dang / stobs bzang dang / nyi ma dang / zla ba dang / gnod sbyin dang / grub pa dang / dri za dang / mi'am ci dang / lto 'phye dang / lha'i mchog dang / rig pa 'dzin pa dang / chu byung la sogs pa dang / gang zhig gzhan yang sum cu rtsa gsum du gnas pa'i lha rnams der 'ongs nas yang dag pa'i me tog gis mchod par byed do/ /zhes sogs dang / gzhan yang khyod la rgyas par bshad pa'i tshul 'di ci zhig dgos te/ bsgrubs pa'i bsod nams kyis khams gsum du skyes pa'i mchod pa rnams kyis mchod par byed do/ /zhes bya ba'i bar du gsungs pa ltar ro/ /dgung grangs sum cur phebs pa sa pho rta'i lo'i zla ba bzhi pa'i nang lam 'bras lha khang dang / dngul gdung lha khang / phyi rten bde gshegs mchod rten brgyad sogs nyams gso phul du phyin pa grub pa rnams la gnyis su med pa'i rgyud kyi rgyal po dpal kye rdo rje'i rtsa bshad kyi rgyud rnams nas bstan pa'i bcom ldan 'das snying po kye rdo rje lha dgu'i rdul tshon gyi dkyil 'khor chen po bzhengs te sgrub cing mchod pa dang / bdag nyid 'jug cing dbang blang ba sogs sngon du 'gro bas rab tu gnas pa'i cho ga shin tu rgyas pa'i sgo nas rten dang brten par bcas pa'i tshogs rnams ye shes pa dang gnyis su med par byin gyis brlabs te/ sems can gyi don dpag tu med par mdzad cing brtan par bzhugs su gsol ba dang chab cig bzang po drug ldan gyi rab tu gnas pa'i gsung bshad shin tu rgyas pas dpyod ldan thams cad kyi yid rab tu 'phrogs par mdzad cing / skabs der rab gnas kyi rnam bshad ngo mtshar ba'ang mdzad/ lo de'i zla ba bdun pa'i tshes brgyad la dpal zhwa lu ri sbugs su pheb/ rdo rje 'chang blo gsal bstan skyong drung nas