[A:601]rnam snang mngon byang dang / bde mchog padma drwa ba sogs kyi dbang dang / phyag chen lhan cig skyes sbyor gyi khrid sogs zla ba gcig gi bar du bka' chos bsam gyis mi khyab pa gsan/ phar yang kye rdo rje'i rgyu dbang dang / lam dbang / lam 'bras slob bshad kyi cha lag skor gyi byin rlabs yongs su rdzogs pa sogs mang du phul/ de skabs bla ma dang dbu chos sogs zhwa lu ri mthil gyi dge slong 'ga' zhig la dbyangs can dkar dmar gyi rjes gnang dang / tshe dbang sogs mang du stsal zhing slar ngor du pheb/ dpon slob nam mkha' rgyal mtshan gyis zhus pa'i ngor sbyong rgyud dkyil 'khor bcu gnyis kyi bka' dbang zab rgyas su stsal bar mdzad/ sa mo lug gi lo shar ba dgung grangs so gcig pa'i dpyid kar khang sar zhabs drung rin po che ngag dbang bsod nams rgyal mtshan gyis zhus pa'i ngor/ rgyal rtse gur pa mkhan por mkhas btsun sbyin pa rin chen/ dpon slob nam mkha' rgyal mtshan/ mnga' ri'i bla ma kun dga' 'jam dbyangs sogs don gnyer bcu bdun skor la gsung ngag rin po che lam 'bras bu dang bcas pa'i gdams pa zab mo kha'u brag rdzong pa'i bzhed pa ma nor ba gsang chen slob bshad zab mor grags pa'i smin grol yongs su rdzogs pa shin tu rgyas par stsal/ gzhan yang sgrub thabs brgya rgyam dang / rnam sras rigs chen bco lnga'i rjes gnang / 'jam mgon bka' 'gyur ba chen po'i bka' 'bum gyi lung sogs bka' chos mtha' yas pa zhig stsal/ tshur yang mnga' ri bla ma kun dga' 'jam dbyangs drung nas o rgyan mchog gyur bde chen gling pa'i gter byon thugs sgrub bar chad kun sel gyi bka' dbang gsan par mdzad/ lhag par lo de'i hor zla lnga pa'i tshes bco lnga nas 'dul ba'i sde snod rin