[A:615]du gshegs pa'i skabs su smos pa ltar shin tu rgyas pa mthar phyin par mdzad/ de'i ston la chos kyi spyan ldan bla ma bstan pa dar rgyas drung nas bde mchog sangs rgyas thod pa dang / 'jigs byed sa lugs bka' dbang / khyab bdag 'aka' 'gyur ba ngag dbang legs grub kyi bka' 'bum spar ma'i skor gyi lung sogs gsan/ bdag cag don gnyer rnams la bstan 'gyur skor gyi lung rgyun deng sang gang bzhugs thams cad kyi ljags lung bka' drin du stsal/ de'i dgun la 'dar mkhan chen kun dga' 'jam dpal sogs don gnyer 'ga' zhig la nA ro mkha' spyod kyi khrid sogs zab chos 'ga' zhig gnang / dgung grangs so bdun pa shing glang lor khang sar mkhan chen nas gsol ba btab pas bdag cag rnams la zhu chen bka' 'bum gyi lung dang / sgrol dkar sogs gser pod rnying pa'i rjes gnang 'ga' zhig stsal/ de'i sa ga zla ba'i tshes gcig nas bzung rje nyid dbur bzhugs pa'i dge 'dun bcu gcig gis dpal kye rdo rje'i rdul tshon gyi dkyil 'khor chen po bzhengs te sgrub mchod bdag 'jug dang bcas pa sngon du 'gro ba'i rdo rje 'chang rnal 'byor 'jam dpal bzang po de nyid kyis 'dra sku dang / dus thang dang / dngul gdung rin po che rnams la bzang po drug ldan gyi rab tu gnas pa shin tu rgyas pa zhag bdun phrag gcig gi bar du mdzad/ lo de'i dbyar nas me stag lo'i nang bar lo gcig lhag tsam la dpal dges pa rdo rje'i gzhi'i bsnyen pa shin tu rgyas pa sbyin sreg dang bcas pa mdzad/ stag lo'i dgun khang sar mkhan nas gsol ba btab pa'i ngor bcu gcig zhal gyi dbang chen/ gsang 'dus spyan ras gzigs kyi dbang / rje nyid kyi bka' 'bum skor phal cher dang / 'khyug