[A:617]gnang brgya rtsa bcas dang / rje rin po che'i bka' 'bum gyi lung kha shas bcas gsan/ de'i rjes lcags rta lo'i dpyid kar rdzogs chen dge mang gi sprul sku la dge bsnyen gyi sdom pa dang / dpal kye rdo rje'i rgyu lam gyi dbang bcas stsal te/ mdor na gong du smos pa de rnams rang gis cung zad mthong thos su gyur pa rnams che long tsam smos par zad kyi/ 'dir ma 'dus pa'i slob ma so sor bka' chos stsal ba ni dpag tu med pa zhig yod par shes par bya'o/ /de ltar gdul bya so so'i bsam pa dang mthun par chos kyi 'khor lo rgyun mi 'chad pa zhig bskor ba'i sgo nas gdul bya rgyud ma smin pa dag ni sgo gsum dge ba'i bya ba la las su rung bas 'bras bu bla na med pa myur du thob rung du yongs su smin/ smin pa rnams ni rnam par grol bas khrag dang mchi ma'i rgya mtsho ni bskams/ rus pa'i ri las ni bsgral/ 'khor ba dang ngan song gi sgo ni bcad/ mtho ris dang thar pa'i sgo ni dus gcig tu dbye bar mdzad/ log sred can dus ring mo zhig tu mya ngan las mi 'da' ba'i chos can du gyur pa dag la'ang rnam par dkar ba'i bag chags rgyud la bzhag pas mthar thug byang chub mchog tu nges par mdzad pa yin no/ /gzhan yang sku gsung thugs kyi rten bzhengs pa'ang snga ma sa lug lor rje rang nyid kyis bka' chos gsan yul bla ma rnams kyi 'dra sku sman 'dam las grub pa khru re tsam bzhengs shing / gzhan yang snga phyi nges med du 'jam dbyangs mkhyen brtse'i dbang po dang / khyab bdag bka' 'gyur ba rnam gnyis kyi 'dra sku gser zangs las grub pa khru re tsam bzhengs pa dang / mi 'khrugs pa lha bcu gsum ma dang / mi g.yo ba bla med dang / dpal mchog sogs kyi dkyil thang mang du gsar bzhengs