[A:112]pha rol la dmag drangs nas srid 'phrog pa bzang zer ba sogs sna tshogs pa'i mthar thams cad kyis kha 'chams par sangs rgyas kyi bstan pa bcom pa bzang zer ba la blo mthun pa'i tshe/ baNDi ta la mkha' 'gro mas lung bstan nas de ring nyid nas sdig spyod kyi rgyal po de ma bsgral na nges par sangs rgyas kyi bstan pa la 'tshe ba chen po 'byung ba 'gyur ro zhes bskul nas/ paNDi tas gshin rje gshed kyi ting nge 'dzin gyis mngon spyod kyi las brtsams pas/ rgyal blon rnams 'tshogs pa'i sar gang nas byung cha med par glang rgod 'jigs su rung ba zhig byung nas rwa rtses sdig rgyal gyi lto ba phug nas bsgral/ blon po chos la gnag pa rnams kyang bsgral bas thams cad skrag nas byer/ de'i las 'bras kyis da lta lto ba la zug gzer 'byung ba dang / de skabs paNDi ta gang ba spel dang thugs shin tu mthun pa'i mdza' bshes su yod pas gang spel gyi skye ba li thang dge bshes byams pa phun tshogs yin 'dug pas de lo sku mdun bcar skabs thugs la shin tu 'thad pas bshad rgyun 'ga' zhig gsan rgyu red pa'ang sngon gyi bag chags yin pa gsal bar dran 'dug gsungs/ de lta bu'i sngon gnas rjes dran ngo mtshar ba rgyun chags su bzhugs par snang yang thugs khams dwangs shing spro ba'i skabs nyams mtshar re tsam las gtan nas mi gsung zhing / gzhan la gsungs pa'ang cher ma thos shing thor bu phran tshegs gsungs pa'ang nges tig can gyi zin du btab pa sogs mi snang / de mtshungs zhing khams dang yul gyi bkod pa gzigs pa'i tshul shin tu mang bar 'dug kyang nges pa can paNDi ta mi pham rgya mtsho la bka' stsal ba ni/ skabs shig khong de zhag skor zla ba drug gis bgrod dgos pa'i mya ngam gyi thang brgal nas