[A:111]khyod la lung byed du 'ong ba yin gsungs/ drang srong dri med zhi ba kun tu dge ba'i sgrub thabs las tshogs dang bcas pa'i dbang lung yud tsam la gnang nas dpe phyag tu gnang ba zhig byung / de rjes 'chi med sprul sku nas logti zhi ba'i sgrub thabs zhig mdzad par zhus/ rten 'brel du dgongs te drang srong dri med kun tu dge ba'i sgrub thabs dbang bskur las tshogs dang bcas pa de gnang / 'di skabs gter gyi 'phros tsam yang mi gsung zhing rje nyid la gter kha bzhugs pa sus kyang ma tshor ba'i skabs yin pas mdzad byang sogs su rtsom chos lta bur gnang ba las don du 'di'ang yang gter gyi gral yin par snang ngo / /yang rje nyid la snga sor gsol ngan zhig zhu bar byung ba rlung gi nus pa sogs kyis dngos des ma tshugs kyang bsnyun ro de grib rkyen sogs kyis skabs rer 'phar ldangs kyis zug rngu chen po ldang ba yod pa de 'dra'i res zhig la phran nas byabs khrus sogs sku rim phul ba'i skabs shig tu gsung 'phros su/ khong 'phags yul du paNDi ta sgo mtha' yas pa'i blo gros su gyur ba dben ri zhig na bzhugs pa'i skabs su/ yul der mu stegs la dga' ba'i sdig spyod kyi rgyal po stobs chen zhig yod pa dus bzang zhig gi nyin blon 'bangs kyi tshogs kyis bskor nas skyed mos tshal du skyo sangs kyi dga' ston la spyod pa na/ rgyal po na re/ di ring skabs gnas nyams dga'/ tshes dus bzang po la sngon med pa'i dga' ston nyams su myong ba'i skabs 'dir bya ba khyad par can cig byed pa'i 'dun ma shom dgos pas khyed blon 'bangs rnams kyis rang rang gis ji ltar 'dod pa re smros shig byas pa'i tshe/ la las nam mkha'i lha mchod pa bzang zer/ la las glu bro gar gyi rtsed mo byed pa bzang zer/ la las