[A:99]'gran zla med/ /khro thung 'phrul dang bkra lag 'gran zla med/ /'gran med mi pho gsum gyi bkra shis shog /rgya bzas rgya yi rten mchog thabs kyis drangs/ /bal bzas bal po'i mchod sdong brdzongs su thob/ /'brug mos 'brug ltar grags pa'i gtam rgyud bzhag /ya mtshan bud med gsum gyi bkra shis shog /ces pa 'phral du 'dri bar mdzad nas de ka'i khyim du blan/ de rjes phyogs de'i gar byon sar bkra shis kyi tshigs bcad ngo mtshar ba mang du mdzad/ kho bo'i sgrub khang sogs la'ang bkra shis rtags brgyad/ rdzas brgyad/ rgyal srid dang sbyar ba sogs mang du gnang ba rnams kyang rten 'brel gyi sgo khyad par can zhig yod par mngon/ yang phyogs de'i sbyin bdag ni sa mda' tshang la bzhugs pa'i mnal lam du/ kla klo'i zhags pa byung zer ma thag tu dru gu 'dra ba zhig hril gyis byung nas sku lus dkris te nam mkhar khyer song bas cung zad thugs zhad pa'i rnam pa byung ma thag /mgon po phyag bzhi pa byung nas gri gug gis bcad song bas sa thog tu rdo rje legs pa 'dug pas sku lus pang du btegs nas/ he he/ mgo mtho sa la btags/ rke phra sa nas chad zer dpes/ byad thag mgon pos bcad pa bzang ste nga med na sa thog tuu 'o brgyal byas ang song zer ba dang mnal sad/ 'di skor du gar phebs kyi ri rnams zang thal du gzigs shing gnas ri rnams la rtsa gsum lha tshogs ci gnas/ gter kha du yod thams cad sgrib med du gzigs pa zhig byung 'dug /'og gsang rnam du'ang khyugs tsam smos pa ltar/ khyad par dpal 'byor sgang du bzhugs pa'i nub gcig stod 'bras mo ljongs/ bar padma bkod/ smad g.yu lung gangs ra yan