[A:253]srog 'dor bzod dam snyam pa'i 'dun pa dang / sems can rnams la bzod blag med pa'i snying rje 'khrungs/ bla ma 'jam dbyangs mkhyen brtse'i dbang po de/ da lta rang mjal rgyu byung na dga' ba la snyam pa'i dad blo 'gyur ba med pa zhig skyes/ sku de ni bod yul rdo rje 'dzin pa thams cad kyi rgyal po rje btsun grags pa rgyal mtshan yin 'dug go gsungs/ de nas bzung ste zab gsal thugs kyi me long dwangs shing sgrib pa med pa la lung dang rtogs pa'i yon tan gyi gzugs brnyan je gsal du mngon nas/ nyin re la dpe ldeb mda' tshad ma drug re thugs 'dzin gnang yang dka' tshegs med par mngon du gyur/ gang gi tshe dpal kye rdo rje'i rtsa rgyud brtag pa gnyis pa'i 'grel bshad skor dang mngon par rtogs pa'i rnam bshad gnad kyi zla zer/ 'bum gyi bsdus don rnams thugs 'dzin gnang / nyin mtshan bar med du chos spyod bcu'i bya bas dus 'da' bar mdzad pas/ rtsa ba'i bla ma rnams thugs dgyes rabs kyi rtser son pa'i skabs shig na/ mkhan chen thams cad mkhyen pa byams pa kun dga' bstan pa'i rgyal mtshan gyis dgongs pa rang grol gyi ngang nas sku mdun gdan drangs te/ lhag pa'i lha 'jam dbyangs dmar ser dang / dbyangs can dkar mo'i rjes su gnang ba stsal nas/ rgyas 'gyur gyi rigs sad pa'i dbon po mchog 'di/ nga bla ma'i rigs rus dbon po yin zer nas mchod cha phyag rdzas tshags rtsa byed shes tsam dang mi 'dra ba/ dad pa/ brtson 'grus/ shes rab gsum gcig gis