[A:255]sgyur ba'i rgyal po rnams/ /rang sras mtshan gyis sgeg pa de/ /rang gi go 'phang bzhag pa yi/ /nyer bsdogs chung ngu'i dus nas brtsams/ /shar ri'i phrag nas zla zer ngom/ /chu yi nang nas 'dab rgya grol/ /rigs kyi dbu la rigs bdag mdzes/ /snying gi dbus nas snying po brdol/ /'phags pas 'phags min brdzu bag ston/ /yod kyang med pa'i tshul ltar snang / /so skyes mchog gi sku sob bstan/ /gzhan dpal rang la sbyar shing ngom/ /brdzun snang mkha' la sprin ltar dengs/ /bden don de nyid mngon sum rig /dbang bzhi'i rtogs pa chig rdzogs skyes/ /'di las don brgyud gzhan ci zhig /rdo rje 'dzin pa'i rgyal po des/ /rdo rje theg pa'i bdag po'i dbang / /rdo rje'i bu la bskur ba des/ /rdo rje'i sa lam chig chod 'gyur/ /gzhan yang sngar thos bsam mdzad pa rnams la yang yang 'dris goms gnang zhing / sgra ka lA pa'i ri mo'ang 'dri bar mdzad do/ /dgung grangs bco lnga pa'i skabs su/ mkhan chen thams cad mkhyen pa de nyid kyis mdo rgyud thams cad kyi sgron me gsung ngag rin po che lam 'bras bu dang bcas pa'i zab khrid/ bla ma rdo rje 'chang rje btsun kun dga' bzang po'i phyag bzhes ltar zla ba drug gi bar du gnang ba'i tshe nyin re bzhin thun gsum re bcad de dmigs khrid rnams rgyud la sbyar nas thugs dang 'dres nges mdzad pas/ sngon 'gro snang ba gsum gyi skabs su ma dag pa'i snang ba nyams kyi snang bas sbyong zhing / de dag pa'i snang ba bsgyur na tshegs med pa'i don la