[A:285]zab mo'i bka' gsang rmad du byung ba 'di nyid mi nub pa'i mdzad phrin rlabs po che skyong ba la/ 'gal rkyen phra mo tsam yang mi 'byung zhing / thugs bzhed thams cad 'bad med lhun gyis grub pa'i ched du byin rlabs dang dngos grub rgyun mi 'chad par 'jo ba'i thugs smon bden tshig gi lam du drangs pa zhig gnang ba'i mod la/ bya ba rlabs chen grub zin pa lta bu'i dgyes tshor dang / sngar dag snang gis mjal ba dang / dngos mjal thog ma'i skabs dang 'dra ba'i nyams myong brjod du med pa de'ang stobs bskyed pa dang rtsal 'phel ba ltar gyur pa dngos shugs kyis gsal bar bstan to/ /ji skad du/ bla ma'i drin gyis phan pa'i lung thob na/ /grol bar mi 'gyur snyam yang grol bar 'gyur/ /ri dbang rtse las 'ga' zhig lhung gyur na/ /lhung ba mi 'gyur snyam yang lhung bar 'gyur/ /ces gsungs pa ltar/ thar rtse rdo rje 'chang dang / rdzogs pa'i sangs rgyas mkhyen brtse'i zhabs kyi bka' drin dang thugs bskyed la brten nas gang ltar byas kyang bde ba dang / ji ltar byas kyang bstan pa la phan pa'i thabs tshul lhur len dgos pa 'di byung ba yin/ khyed rang rnams nas sna thung dang gsung rgyu mang ba dang / dran rgyu mang ba 'di 'dra ma bsams shig dang / nga la bsam pa ngan pa rtsa ba nas med pas/ khyed rang dag gnas skabs mthar thug ci'i skabs las babs kyang log pa'i gnas la mi sbyar nges can yin gsung pa'ang skabs 'ga' rer gnang / de nas yig tshogs grangs mang