[A:307]mdzad/ dbu ma la 'jug pa dang / phar phyin mngon rtogs rgyan dang mngon pa mdzod dang / tshad ma rigs gter rnams rje nyid kyi mchan 'grel steng nas ljags bshad dang / skyes rabs brgya lnga bcu pa dang / bka' gdams gces btus la sogs pa ljags lung mang du gnang / sa khyi lor sde dge'i yul du 'jam mgon rdo rje 'chang blo gros mtha' yas pa'i bka' yis bskul nas phyir phebs shing / sa phag lor tsA 'dra rin chen brag gi sgrub khang du bzhugs rje 'jam mgon bla ma gtso bor bzhugs pa'i skal ldan rig pa 'dzin pa nyung shas zhig la/ rnal 'byor rgyud kyi bshad rgyud rdo rje rtse mo dang / yan lag gi rgyud khams gsum rnam rgyal dang / cha mthun rgyud dpal mchog dang po rigs bsdus pa'i dkyil 'khor du dbang bskur ba dang / slob dpon 'jigs med 'byung gnas sbas pa'i zhal snga nas bkral ba'i rdo rje phreng ba'i dkyil 'khor zhe gnyis dang bya ba kun las btus pa'i dge legs su byed pa'i dkyil 'khor gsum dang bcas pa'i dbang bskur ba dang / bde mchog 'khor los sgyur drug dang / ngam rdzong snyan brgyud kyi bde mchog dang / thang rgyal nas brgyud pa'i ma gcig mkha' 'gro snyan brgyud la sogs pa'i dbang lung shin tu mang po phul bar mdzad/ zla ba bzhi pa nas brgyad pa'i bar du 'gor/ rje 'jam mgon bla ma'i zhal nas/ da res dbang 'dis bdag la go chod song byin rlabs kyi babs shin tu chen por 'dug sogs thugs dgyes pa chen pos yang yang gsungs/ ye shes dbab pa'i