[A:332]tshad du bzung ba rnams la legs 'doms pa'i/ /lha yi rnga chen ldir 'dis skyo grogs byas/ /mkha' dang lag mthil mnyam pa'i dam pa la/ /stong gsum nor gyis bkang yang mnyes mi byed/ /dam chos tshig gcig 'chad dang don gcig sgrub/ /dgyes bskyed mchod pa kun gyi bla na 'phags/ /gang phyir rjes 'jug gdul byar gtogs pa rnams/ /dad brtson shes rab dngos po ci mchis pa/ /rgyud sde rnam bzhi'i mdog bzang phung por gyur/ /bka' drin gsab pa'i mchod tshogs 'bul bar rigs/ /rab mdzes paNDa rI ka'i lang tsho la/ /rab dkar bdud rtsi'i theg les spud pa ltar/ /rab mchog chos kyi mdzod khang chen po la/ /rab gsal phrin las rgya mtsho'i dpal gyis spras/ /bla ma'i yon tan cha tsam brjod pa 'di/ /ma la ya yi shing dum phal pa la'ang / /'jig rten 'di na rin thang che ba ltar/ /bstan la dga' rnams gces spras ci mi che/ /bslu med mkha' nas 'gog med shar ba yi/ /byin rlabs nyi gzhon khu bcud 'thung bzod pa'i/ /dad ldan padmo gzhon nu 'ga' mchis na/ /dngos grub sbrang rtsi 'jo ba gdon mi za/ /de phyir ston mchog bla ma'i rnam thar dang / /bstan 'dzin slob ma'i lhag bsam lhan cig tu/ /'grogs pa'i dge mtshan srid na 'byung du re/ /dman bu bdag 'dras sor mo'i rol rtsed rtses/ /bka' drin dran no drin chen chos kyi rje/ /ye shes gzigs pas nye bar 'tsho bar