[A:333]mdzod/ /tshe rabs kun tu byams pa'i phyag gis zungs/ /thar med 'khor ba'i g.yangs las myur du skyobs/ /dus gsum legs byas 'bras bzang ci mchis pa/ /thugs bskyed ma dros chu gter zhugs tsam gyis/ /zung 'jug dzaM bu nA' da'i ngo mtshar dang / /chabs gcig mchog gi rgyan bzang 'bar gyur cig /gsang bdag rdo rje'i rgyal rnga srid gsum bsgrags/ /rgyud sde rnam bzhi'i khang bzang mngon par mtho/ /smin grol rnam par rgyal ba'i rgyal mtshan bsgrengs/ /chos kyi rgyal po'i phrin las rgyas gyur cig /de ltar dpal ldan rdo rje 'chang ba nyid ngur smrig gi rgyal mtshan g.yo ba'i shAkya'i sras kyi tshul bzung nas rgyal bstan spyi dang bye brag rdo rje theg pa'i bstan pa'i me ro gso ba'i rtsal po che ngom pa 'di nyid kyi mtshan brjod par dka' yang don gyi slad du mtshan nas smos na 'jam dbyangs blo gter dbang po'am/ 'jam dpal grub pa'i rdo rje thub bstan gsal ba'i nyin byed 'jigs med gtsug lag rgya mtsho'i sde zhes 'jig rten na skal bzang rna ba'i bdud rtsir gyur pa de nyid kyi rnam par thar pa cha shas tsam brjod pa mchog sbyin sgo gsum rang grol dge legs nor bu'i ljon bzang skal bzang lha'i dga' ston zhes don gyi sgo nas ming du smos pa 'di ni/ snyigs dus bstan 'gro'i mgon du rgyal kun phrin las yongs rdzogs mchog sprul rin po che 'jam dbyangs chos kyi blo gros pa'i zhal snga