[A:353]mnyam par bsgrub nus par byin gyis brlab tu gsol/ zhes gsol ba 'debs pa'i khul du byas/ de skabs spyir tshogs rdzogs sgrib pa byang ba'i rtags du ma dang / khyad par du nub gcig rmi lam la/ nyin mo'i dus ltar shes bya ma 'don zhing phyag 'tshal nas 'dug pa la/ 'jam dbyangs bla ma'i bris sku'i spyan gnyis khra hrig hrig 'byed 'dzum byed 'dug /de'i rkyen gyis 'di rmi lam yin pa 'dug snyam du shes byung ba na/ zhal shin tu 'dzum zhing mchu sgros padma ltar dmar ba'i dbus nas/ tshems rnams skya khrig ger mthong zhing / bzhad mo 'chor la khad mdzad byung / de nas mos gus bskyed nas/ gong gi 'dod gsol de nyid sgra dag par tshar gcig brjod pas/ dbu gug gug pa lan gsum mdzad byung / de nga rang gi de dus go tshul/ spyan gyis 'byed 'dzum mdzad pa ni/ mkhyen pa'i ye shes kyi spyan gyis sgrib med du gzigs pa'i brda dang / zhal 'dzum pa ni brtse ba'i thugs rjes dus rtag tu dgongs pa'i brda/ dbu gug gug pa lan gsum mdzad pa ni/ mdzad pa'i phrin las kyis gsol ba btab pa'i don gyi 'bras bu rnams tshul bzhin du stsol bar mdzad pa'i brda yin snyam pa byung / 'on te mdo sde gser 'od dam pa las/ yi dam lha yi bris sku'i zhal 'dzum mdzad pa ni/ lung chen thob pa'i snga ltas yin par gsungs 'dug /'di dang mthun par 'jam dbyangs bla ma'i zhal nas 'od zer dkar po 'phro zhing 'dug pa mthong ba'ang der gda'/ rmi lam du lan gnyis