[A:352]bsdams nas mthar ma grol gyi bar mi lo bcu drug la/ mar za rgyu yod pa dang / bsngo rten phran bu byung ba rnams kyis mar me mang po dang / bdun tshar cha bdun yod pa rnams nyin re bzhin lan gsum re phul bas yon chab 'bum phrag brgyad song / mchod pa de rnams kyang sems bskyed dang dmigs pa rgya chen po byas/ 'jam dbyangs bla ma la gsung ngag rtsa brgyud kyi bla ma yi dam kye rdor lha dgu sogs skyabs gnas mchog gsum rgya mtsho ma lus pa 'dus par dmigs nas/ 'jam dbyangs bla ma'i bstod pa spyi dang khyad par shes bya ma 'don bzhin pa'i ngang nas phyag 'tshal ba snga phyi kun bsdoms pas phyag 'bum ther bzhi bcu zhe gsum song / de dag gi skabs su 'don don gsol gdab kyi gtso bo ni/ 'jam dbyangs bla ma sa skya paNDi ta khyed thugs dgyes pa'i phrin las thams cad rjes su bsgrub pa'i slad du/ 'jam dbyangs bla ma skyabs gnas kun 'dus khyed la snying nas dad pas phyag 'tshal lo/ /mchod do/ /skyabs su mchi'o/ /gsol ba 'debs so/ /thabs 'di la brten nas bskal pa grangs med gsum gyi tshogs gnyis skad cig nyid la rdzogs par byin gyis brlab tu gsol/ sdig sgrib nyes ltung dri ma'i tshogs bag chags dang bcas pa thams cad skad cig la da lta nyid du byang zhing dag par byin gyis brlab tu gsol/ 'jam dbyangs bla ma'i byin rlabs snying la zhugs nas/ thos bsam sgom gsum gyi yon tan thams cad skad cig nyid la yongs su rdzogs nas/ bstan pa dang sems can gyi don nam mkha'i mtha' dang