[A:361]pa dang / rje btsun mi la sogs sngon gyi skyes chen dam pa rnams kyis dka' spyad mdzad pa la bsams nas lus srog yal bar 'dor ba'i snying rus bskyed nas phyag dang maNDal 'bul ba sogs sdug bsngal thams cad dang du blangs te bzod sran bskyed pas/ lus kyi yan lag phal cher gyi pags pa brdol nas rmar song ba dang / lus kyi nyams shin tu zhan pa gyur pas/ a ma bug sgor zas skyel du phyin pa na nga mthong ba'i tshe mi bzod par ngu ba dang / nga rang gis kyang shin tu bzod dka' bar gyur pa'i tshe/ grub thob byams bstan gyis ltung bshags 'bum theradang sbrags nas phyag 'bul dus kyi rnam thar ltar/ ngan song gsum gyi sdug bsngal der skyes pa'i sems can rnams kyis don ci'ang med par myong dgos na/ ngas sems can thams cad kyi don du 'di cis phyir mi bzod snyam du blo sbyangs pa dang / sdug bsngal 'di dag rang sems kyi 'khrul snang yin/ sems kyi ngo bor ci yang ma grub pas lta ba 'khor 'das dbyer med kyi klong na sdug bsngal gyi ming yang med par shes pas lta ba'i ngang bskyangs/ tshe gcig gis sangs rgyas bsgrub pa la/ snyan brgyud tshad ma bzhi ldan gyi gdams ngag gsung ngag lam 'bras lta bu dgos par go ste/ de'i man ngag gi gnad zab mo rnams dri ba'i yul ma rnyed nas/ rgyal ba thams cad kyi ye shes kyi rang gzugs 'jam dbyangs sa skya paNDi ta chen po dang rtsa ba'i bla ma ngo bo dbyer med du mos nas gsol ba yun ring du