[A:365]dgos par/ nang gi rten 'brel gyi stobs kyis 'ong bar go nas khrigs khrigs 'grigs pa zhig dang / gzhan la lam dbang 'don dus su yang rang lus lha sku mi tshad tsam gyi thugs kar thugs rdo rje'i mdun du slob ma nyer lnga thams cad kyang mi tshad tsam bsgoms rung yang dogs med par gsal ba zhig byung gsungs/ gzhan yang rje nyid kyi zhal slob mkhas pa'i dbang po bla ma chos 'phel la yang 'di ltar gsungs te/ 'khor 'das dbyer med kyi lta ba 'di rtogs na bskyed rim bsgom pa la tshegs med/ dper na bsrung bya sba ba'i dus su snying ga'i rdo rje'i lte ba'i hU~M yig gi 'og tu sga chu lung ru bzhi bsgoms tshe thams cad bkra lam gyis gsal thub/ rdo rje'i lte ba chung skyon med/ sga khog che skyon med pa zhig yod kyin 'dug gsungs/ skabs 'gar nga rang sogs slob ma du ma la/ da ni rig pa'i ye shes rjen la bud nas phyi rol gyi g.yeng rkyen gyis nam yang mi brdzi bar 'dug ces dang / sha chang sogs bsten kyang nga la mi gnod pa 'dra ste/ 'on kyang bstan pa'i mig srol la gnod kyis dogs nas ma bzhes pa yin gsungs/ gnas skabs kyi kun spyod gzhan gyis mjal tshe gzim yur ba ltar mdzad kyang / gzhan gyi bya spyod dang chos gsan pa sogs 'od gsal gyi ngang nas sgrib thogs med par gzigs pa ni/ dge ba'i bshes gnyen chen po bla ma 'jam dbyangs rgyal mtshan gyi zhal snga nas kyang gsungs shing / bdag cag slob ma du mas kyang myong bas grub bo/ /gzim