[A:364]shes pa'i lta bas rgyas btab ste sbyangs/ gzhan yang sgyu lus 'od gsal rmi lam rnams kyang legs par goms par byas shing / spyod pa thams cad dogs mthar bzung nas gang la'ang rtsing spyod du ma shor ba bgyis/ de ltar yun bsrings nas nyams su blangs pas/ lha dang bla ma'i thugs rjes lta thog tu sgom pa 'khyol nas zab mo nang gi rten 'brel la yid ches kyi nges pa gting nas skyes/ de nas bdag mdun so sor dbye nas bsgom rgyu med pa lta bur gyur te/ snang sems 'dres nas gzung 'dzin gyi sgrib g.yog dang bral te/ rig stong gnyis su med pa'i ye shes kyi ngang la gnas pa zhig byung yang rgyun brtan pa zhig ma byung bas snying po cher mi 'dug /'on kyang snyan brgyud bzhi ldan gyi tshul du lam 'di la yun ring du goms pas/ 'khor 'das dbyer med kyi lta ba ji lta ba bzhin ngo 'phrod de/ da lta ni sbyang gzhi sbyong byed sbyar te gzhi lam 'bras gsum bsres nas bsgom pa'i tshe rnam rtog gis sgro btags nas mtshon chos bsgrigs pa tsam ma yin par/ gdod nas sku dang ye shes yin pa la yin par ngo shes pa lta bu'i nges pa rnyed nas/ lam dus tshig myur bul ji ltar byas nas bton kyang rung / srung 'khor bsgom pa'i tshe bdud bzhi dbyings su gcig char du chod pa dang / gzhal yas khang gis lam byang chub kyi phyogs kyi chos sum cu rtsa bdun mtshon tshul yang rig pa skad cig ma'i steng du tshang bar shes shing / de dang kha dog 'khor 'das dbyer med kyang dus rim can du mi