[A:366]khang nang du dbu bstums nas bzhugs tshe phyi rol na bla ma chos 'phel 'ong ba mthong 'dug 'di ci yin zhes dang / dgon nang na bzhugs dus thag ring po'i skor lam steng nas mi 'ga' res bla ma 'dis ma byas zhes nga la 'bar 'dug pa thos 'dug /ces dang / spyir rje 'di nyid yon tan la sba gsang che ba'i stabs kyis dus rgyun du mi gsungs kyang / zhabs pad yun ring du brten pa'i rdo rje'i slob ma rnams la skabs 'gar gsung 'phros kyi tshul du gnang ba/ lha dang bla mas byin gyis brlabs tshul dang / dus gsum sgrib med du mkhyen tshul sogs rags bsdus tsam brjod na/ rnam thar zhal gsungs ma las/ 'jam dbyangs sa paN gyis rjes su bzung ba'i gzims lam yin pa lta bur gsungs kyang / don du mngon sum du zhal gzigs shing lan grangs du mar rjes su bzung ba yin te/ gzhan gyis nyid kyi phyag rdzas rnams chud za bar 'dug /sbyin bdag rnams snying mi rje'am zhus pas/ skyon mi yong nged la 'brel pa thogs tshad 'jam dbyangs bla ma sa skya paNDi tas rjes su 'dzin pa'i zhal bzhes yod ces gsungs pa dang / phran gyis rmi lam 'tshub nas 'dug pas de bzlog thabs ci dga' zhu shog phul ba'i lan du rje nyid kyi phyag bris su/ mdangs nga la 'jam dbyangs sa paN gyis zhal gzigs de'i g.yas na mgon po bzhugs 'dug pas/ khyod kyi rmi lam de ci yang mi skyon/ brtson 'grus byas na bar chad bzlog thub pa'i rtags su 'dug ces gsungs pa dang / kho bos mdo sngags kyi zab gnad ma shes pa rnams chos rje bdag nyid chen po la gsol ba btab