[A:367]pas de ma thag tu dran pa yin zhes gsungs pa dang / bar chad kyi ltas su gzim khang gi nang thams cad mig gis gang ba zhig gzigs pa'i tshe/ chos rje spyi bor bsgoms nas bzlog par mdzad pas/ de thams cad khra nyil gyis 'thor nas 'ja' yal ba ltar gyur song zhes gsungs shing / gzhan yang sgrol dkar bsnyen pa snga phyi kun bsdoms pas 'bum phrag brgyad cu tsam gsungs shing / lhag pa'i lha 'di nyid kyi sgo nas bdun mtshams re bgyes kyang byin rlabs kyi rtags re mi yong ba nam yang med ces yang yang gsungs pa dang / khyad par du sgrub pa la yun ring du bzhugs skabs/ bar chad shin tu mang po byung tshe/ rdo rje nag po chen po'i phyi nang gsang gsum gyi bsnyen bsgrub mthar phyin par mdzad cing / nyid kyi zhal nas mgon po 'di ma bsgrub kyang 'grub pa'i gang zag /bsgrub na 'grub pa'i gang zag /bsgrubs kyang mi 'grub pa'i gang zag dang gsum las/ kho bo ni bsgrub na 'grub pa'i gang zag yin par 'dug /dus dang rnam pa thams cad du mgon po 'dis bar chad bsrung ba dang / yang dag pa'i lam la bskul zhing legs nyes kyi lung ston pa yin zhes dang / glo bur du mgon po'i sku'i snang ba zhig shar byung bas thugs dam mdzad dgos par 'dug ces yang yang gsungs pa dang / sngar rdzong sar bzhugs skabs dgon gyi srang bar zhig tu 'jam mgon kong sprul rin po che byon byung ba zhal lu zhig mdzad pa'i ngar snabs rdo zhig gi steng du lhung ba 'jam mgon sa paNDi ta'i sprul pa dngos yin snyam mos gus drag tu byas lhag ma med par bldags pas byin