[A:376]gyis rin po che lags/ de 'dra e 'grub na zhus tshe/ nga la rab 'byams pa'i lung bstan yod 'grub 'ong gsungs pa thog tu khel pa sogs shin tu mang / khyad par rang dang 'brel pa'i gsung du ma yod de dgos pa chung bas ma bris/ chos rje 'di nyid kyi skyes sbyang gi yon tan ma lus pa sus kyang brjod mi nus mod/ kho bos yun ring zhabs pad gus pas bsten cing bka' bzhin sgrub nas thugs mnyes par byas pas/ rang gi yid la yod pa rags bsdus tsam 'di/ skal ldan gyi slob ma rnams kyi dad pa'i gsos su bkod pa lags so/ /sku gshegs kha'i rnam thar skor la/ 'brug lo zla ba bzhi pa'i nang nas sku drung du bcar mkhan rnams la/ yun ring du mi bzhugs pa'i zhal ta gnang zhing / sku khams kyang cung 'khrugs tshul bstan nas gshegs la nye ba na/ kho bo slebs nas slob ma gzhan rnams la'ang bskul zhing bdag cag rnams kyis zhabs brtan phul nas bzhugs par gsol ba btab pas/ bsnyung khams kyang cung yar dwangs ngos lo gnyis tsam bzhugs pa'i zhal bzhes gnang yang / zhabs brtan phul sa gnas gzhan zhig tu rten 'brel 'grigs na de ltar yin par gdon mi za yang / gnas de nyid du phul dgos byung ba'i dbang gis de tsam bzhugs rgyu yid brtan pher pa ma byung / 'di man chad nga rang la cher mi gsal yang / der phyogs kyi yul dgon spyi la yongs su grags shing sku bcar zhu mkhan rnams zhal mthun par gsungs pa 'khrul pa med nges rnams shin tu mdor bsdus su bri na/ lo de'i zla ba bcu gcig pa'i nang dgon nas ri khrod du phebs khar sku 'khris pa