[A:377]'ga' la nga rang 'chi sa dgon nang du dgos pas/ rjes sor yar 'ong dus rta thog tu e tshugs mi shes/ gral khri 'dra tshags gyis zhes gsungs shing / dgun tshe gnas nang na bzhugs dus kyang / nye gnas la yun ring mi bzhugs pa dang 'di nas bde ba can du phebs 'gro rgyu'i gsung 'phros kho na gnang zhing / khyad par du snga mo nas bdag cag slob ma du ma la khong bde ba can du phebs nas sa chen yab sras las lam 'bras gsan dgos tshul yang yang gsungs pa'ang / 'di skabs nyin gcig nye gnas la ngas bla ma sa skya pa chen po dang / slob dpon rin po che bsod nams rtse mo dang / rgyal ba rdo rje 'chang kun dga' bzang po gsum ka las lam 'bras thob tshar zhes nye brgyud gsan pa'i gsung sgros ngo mtshar can 'di yang gsung bar gda'/ de nas sbrul lo hor zla gnyis pa'i nang nas sku khams cung zad 'khrugs tshul bstan nas/ zla ba gsum pa'i tshes gcig la sngar gsungs pa ltar khyogs kyi steng du gdan drangs nas yar thar lam dgon du phebs/ der dgon pa'i bla chos dang slob ma sbyin bdag sogs dad pa can rnams kyis bzhugs par gsol ba 'debs pa rnams la'ang / khyed rnams kyis blun gtam ma byed/ sngon yang 'phags bod du yang dag par rdzogs pa'i sangs rgyas kyis gtsos mkhas shing grub pa brnyes pa nam mkha'i skar tshogs ltar byon pa de dag thams cad kyang mya ngan las 'das pa'i tshul bstan/ khyad par du yang rang lugs kyi phyogs nas bsams kyang chos rje 'jam dbyangs bla ma dang / rgyal ba rdo rje 'chang sogs ston pa gnyis