[A:379]mdzad/ nye gnas kun dga' chos dar gyis bsnyun tshul bstan pa'i ring la ngal dub khyad du bsad nas zhabs tog phul phyin bsgrubs pas/ rje nyid kyi zhal nas/ khyod kyis maNDal 'bum phrag bcu phul ba bsad lo nga la nad g.yog byas pa 'dis tshogs rdzogs pa la dga' nges su 'dug ces dang / khyed kyis sdig pa tshab chen ma bsags dang nam 'chi ba na ngas bsus nas bde ba can du 'gro chog ces gsungs shing / de skabs khang gsar mkhan chen dang / gra'ur dpon bla ma sogs kyis zhabs brtan phul ba la'ang rten 'brel mtshon pa tsam las zhal bzhes ji lta ba bzhin ma gnang la khyad par phyag rdzas kyi rigs rnams gra'ur be hu bla ma bstan 'dzin rgyal mtshan sku mched la zhal bkod mdzad nas/ sa ngor la dgongs rdzogs mchod 'bul dang / thar lam dgon du rten bzhengs 'phror 'jog rgyu dang / sku tsha kun bzang bstan 'dzin la gnang rgyu sogs mchod yon bka' bgros mdzad nas tshags su tshud par mdzad pa sogs mi bzhugs pa'i gsung sgros kho na gnang / spyir cung zad bsnyun tshul bstan pa'i ring la/ nyin mo mi mang sar bsnyun tshul cher bstan la/ mtshan mo sku lus drang por bsrungs nas dus rgyun ltar thugs dam la bzhugs pa dang / sku mdun du 'ong ba rnams la'ang 'ga' zhig la bsnyun tshul cher bstan/ 'ga' zhig la mi bstan pa sogs mthong ba dang / sman pa rnams kyis phyag rtsa mjal ba'i tshe bsnyun gzhi cung zad kyang mi 'dug ces thams cad mthun par sgrogs/ sku