[A:380]mdun du bcar mkhan rnams kyis kyang res ni byon bzhugs sogs la sku btegs rogs mi dgos par ci bder byon pa sogs kyi mdzad spyod la dpags na tshul bstan ma gtogs don la ni bsnyun gzhi ci yang mi 'dug pa kun gyis thun mong du gyur/ de dag gi skabs su/ lan grangs du mar sa g.yo ba dang / 'ja' tshon kha dog sna tshogs nam mkha' la shar ba dang / bya rgod mang po lding zhing 'ga' zhig khang steng du babs pa sogs byung zhing / de nas nyid kyi slob ma dad pa can rnams kyis mi bzhugs par thag chod nas/ rje nyid zhing khams gang du bzhugs pa der bdag cag rnams kyang skye ba'i thugs bskyed zhus pa na/ khyed thams cad kyis bde ba can du skye ba'i smon lam thob dang / nga der bzhugs yod pa thag chod yin ces yang yang gsungs shing / de nas zla ba gsum pa'i nyer dgu'i nyin nang mo snga bar phyi khyams su phebs nas bzhugs/ de nas cung zad cig na byin rten dang rgun 'brum khu bas sprus pa'i zan cung zad gsol nas/ zhal 'dzum mang po mdzad/ nyid kyi sku nye legs 'dzin mdun du shog gsungs nas bos te/ khyod 'dir yun ring bsdad nas nga rang 'chi khar mi 'dug pa ci yin ces gsungs pas/ legs 'dzin bshums nas phyag 'tshal te tshe rabs kun tu rjes su 'dzin par zhus pa na/ khyod rang sems sdug byed mi dgos/ chos pa rab yar gyi zangs thal dang / sdig po che mar gyi zangs thal las bar do med pa la/ nga yang bar do med par bde ba can du 'gro ba yin zhes gsungs pa de na yod pa kun gyis thos/ de nas zhal nub tu phyogs/ zhabs gnyis bzang po'i 'dug