[A:104]dbang grags pas bdud rtsi 'od la brten nas phyag rgya chen po yi ge med par mdzad/ des na mdzad mkhan brgyad kyis mdzad pa'i gdams ngag dgu la lam skor dgur grags so/ /de rnams las lam 'bras/ padma'i lam/ mchod rten drung thob/ gtum mo lam rdzogs/ yon po bsrang ba rnams rje ga ya dha ra las dang / dge slong dpa' bo rdo rje las rgya gar shar phyogs dang / bod du ga ya dha ra las bsam mi khyab dang / yi ge med pa a mo gha badzra las bod du dang / indra bho dhis lam dang / lhan cig skyes grub shes rab gsang ba las bod du 'brog mis gsan no//
! gnyis pa rgya gar ba'i lo rgyus la gnyis/ dngos dang / lam gyi rnam gzhag go /dang po ni/ 'o na gsung ngag 'di gsal bar mdzad pa po rnal 'byor dbang phyug la yon tan gyi khyad par ni ji lta bu mnga'/ de las ji ltar brgyud snyam na/ 'di'i lo rgyus ni/ rnal 'byor gyi dbang phyug birWa pa zhes bya ba 'di rgyal rigs rgyal srid spangs pa zhig yin pa la/ dpal na lendra na spyir sde pa bzhi ka yod pa la/ gzhi thams cad yod par smra ba'i sde pa'i mkhan po dharma mi tra zhes bya ba'am/ rnam par rgyal ba'i lha zhes bya ba las rab tu byung ste/ mtshan shrI dharma pA la zhes bya bar btags/ mkhan po de nyid kyis 'khor lo bde mchog gi gdams ngag kyang gnang / spyir yang rang dang gzhan gyi grub pa'i mtha' rgya mtsho'i pha rol du son par gyur to/ /de nas mkhan po de 'das pa dang / dpal na lendra'i gtsug lag khang gi paNDi ta thams cad kyi mkhan po chen por gyur to/ /de ltar gyur kyang rang nyid kyi sgrub pa ni 'khor lo bde mchog gi rnal 'byor pa