[A:105]yin la sgrub pa yun ring du mdzad kyang / rtags sam dngos grub tu nges pa gang yang ma mthong la/ slar mi 'tshams pa du ma byung bas thugs mug ste da phan chad chos rtsom pa dang / 'chad pa dang / dge 'dun gyi bya ba las yi dam lha'i sgrub pa mi byed do zhes dam bcas nas/ dpyid zla ra ba sa ga'i nyi shu gnyis kyi nub mo phreng ba phyags khang du bskyur nas ci bder gnas so/ /de'i nub mo rmi lam du bdag med ma tha mal gyi bud med sngon mo zhig gi gzugs su byon nas/ rigs kyi bu tshul bzhin ma yin pa'i spyod pa de lta bur byed pa ma legs pas/ phreng ba long la dri zhim po'i chus khrus/ bshags sdom legs par gyis la sgrub pa tshul bzhin du gyis shig /khyod kyis las bsags pa'i lha nga yin pas ngas byin gyis brlab kyi/ dngos grub myur du 'thob par 'gyur ro zhes gsungs nas mi snang bar gshegs so/ /de nas mnal sad de 'gyod pa skyes pa dang / yang nyi shu gsum gyi nub mo phreng ba blangs te lung bstan pa bzhin byas pa dang / de'i nub mo sprul pa'i sku ye shes kyi snang ba lha mo bco lnga'i dkyil 'khor gyi snang bar byon te dbang bzhi rdzogs par bskur bas sa dang po mthong ba'i lam gyi ye shes skyes/ de lta bu zhag bdun gyi mthar nyi shu dgur song ba'i nub mo sa drug pa'i rtogs pa byung ngo / /de ltar dbang bzhi rdzogs par bskur bas dbang gi chu bo ma nub/ sa dang po dang drug pa tshun chad kyi rtogs pa skyes pas byin rlabs kyi brgyud pa ma chad/ sngar rtogs sam dngos grub tu tshor ba gang yang ma byung ba la mi 'tshams pa du ma byung bas thugs mug pa de ting nge 'dzin gyi drod rtags yin par 'dug pa la sdar dam pa'i gsung gis