[A:106]ma brgyan pas/ der ngo ma shes par/ da legs par rtogs pas gdams ngag gi sarga ma log pa ste/ da ni yang dag par rdzogs pa'i sangs rgyas dang rtogs pa mnyam pa'i nges shes khyad par can skyes pas mos gus kyis bsam pa tshim par nus pa ste snyan brgyud bzhis byin gyis brlabs shing snyan brgyud bzhis gdams so/ /de ltar rtogs pa de bskyang zhing rang gi brang khang na bzhugs pa la/ dus khyad par can gyi mchod pa'i yo byad sha chang khyer te 'gro ba mthong nas/ sgo gsing nas yar bltas pas la las bud med bco lnga dang lhan cig gnas pa mthong / la las brgyad dang lhan cig gnas pa mthong / 'ga' zhig gis mar me 'bar ba bco lnga mthong / la las mar me brgyad dang lhan cig gnas par mthong ste kun the tshom du gyur to/ /de ltar gyur kyang kun gyi mkhan po chen po yin pas gleng ba dang dbyung bar ma nus so/ /de'i tshe bstan pa la gnod pa'i nyes pa spang ba'i don dang / bdag nyid ngan par khas blang bar bzhed nas rang gi brang khang nas mthon nas/ chos gos gsum dang lhung bzed la sogs pa dkon mchog gi spyan sngar mchod par phul te/ gcer bu a me birWa pa zhes brjod cing grong khyer gyi ha der byon/ me tog 'tshong ba rnams las blangs nas phreng bar brgyus te mgo la btags/ la phug 'tshong ba rnams las blangs shing la la zhal du bcug /la la phyag tu tshags byas so/ /de nas chang 'tshong ma dang smad 'tshong ma'i khyim du'ang byon par gyur to/ /mi thams cad ha las par gyur nas rnga dang mkhar rnga brdungs te gnas nas dbyung zhing slar 'ong du mi gzhug pa'i nang khrims bcas so/ /de'i tshe/ kye ma dge 'dun bzang po rnams/ /bdag gis bdag nyid ngan par byas/ /