[A:107]rnga brdungs mkhar rnga brdungs nas ni/ /dge 'dun gnas nas dbyung bar byas/ /bdag gi dri med zla 'dra'i sems/ dge 'dun rnams kyis rtogs par dka'/ /'dzag pa'i dbang po bkag nas 'jigs par byed/ /birWa chang 'thung nyi ma gte'u mar 'dzud/ /utpal blangs nas chu yis ma gos pa/ /des na birWa rig pa mang po can/ /zhes glu blangs so/ /de la khang pa'i steng 'khar rnga brdungs na phyir 'ong du mi gzhug /pa tra ha ste rdza rnga kha bzhi pa brdungs nas 'ong du yod pa la gnyis ka brdungs pas/ der ma bzhugs par gshegs te sangs rgyas kyi bstan pa la phan par bya ba'i phyir dang / 'jig rten pa gzhan rnams mi mos pa bzlog par bya ba'i phyir dang / bdag nyid ngan par khas blangs nas ngan pa'i rtags 'don pa'i phyir/ wA rA Na sIr 'gro ba'i lam chu bo ganggA'i drung du byon nas/ nga ngan pa yin pas chu la reg tu mi btub pas/ chu bo khyod kyis lam byin cig /ces brjod pas chu mar song ba dang yar log pa'i mtshams su lam du chu med pa zhig byung ngo / /de'i tshe/ ganggA bkag nas rgyun las ldog ste dbab/ /utpal bton nas chu yis ma gos pa/ /dri med sems ni zab mo rtogs par dka'/ /des na birWa rig pa bzang po can/ /zhes pa'i glu blangs pas/ dge 'dun rnams kyis mkhan pos grub pa thob par shes nas/ zhabs la 'jus te bzod par gsol ba dang / bzhugs par zhus pas bzod par gnang / bzhugs par ma gnang bar wA ra Na sI'i rgyal po 'dul ba'i dus la bab par mkhyen nas/ nags gseb tu gos la sogs pa dang bral bar lo gcig tsam bzhugs pas/ lus nyi lhags kyis gdungs nas sku gzugs sngo skya