[A:114]rtogs pa phul bas/ rigs kyi bu khyod kyi nus pas ni ri rab kyang thal bar brlag nus te/ sems can las sna tshogs la spyod pa yin pas sangs rgyas kyis kyang gdul dka' ba yin pa'i phyir/ khyod kyis sems can la gnod pa 'di lta bu ma byed par snying rje chen po skyed cig gsungs so/ /de nas slob dpon gyis gzhan mi byed par nub phyogs sau ba nA tha na rdo la rang byung dbang phyug gi lingga yod de/ dus re la ra dang ma he stong phrag re bsad nas mchod par byed/ sems can de rnams kyi srog bskyab pa'i phyir de 'dul/ de nas thugs rje chen po'i bka' bzhin bgyid do zhes brjod pas/ 'o na rten ma bshig par thabs la mkhas pas thul zhig gsungs pas/ dpon slob gnyis kyis sangs rgyas pa'i rten mang po la phyag dang bskor ba mang po mdzad nas nub phyogs su byon pa dang / dbang phyug gis slob dpon 'byon par shes te/ bram ze gnyis kriShNa sa ra'i pags pas smad dkris/ tshangs rtags ku sha rna ba'i steng du gzer nas sngon bsu ru 'ong ba dang 'phrad do/ /de nas bram ze gnyis kyis shes bzhin du mi shes pa skad du byas/ lam bkag nas rnal 'byor pa gar 'gro zer/ sau ba nA tha rlog par byed du 'gro gsungs pas/ khyed nang pa sangs rgyas pa snying rje che ba yin na gnod pa byas nas ci byed zer/ de nyid kyi phyir 'gro ba yin te/ de la dus re la ma he stong phrag tsam gsod pas/ de dag gi srog bskyab pa'i phyir te rlog par byed pa yin no zhes gsungs pas/ de 'jig rten pa'i lha shin tu che ba yin na/ de ltar cung nus sam zer ba la de mngon du 'gyur gyi/ gsungs pas/ de shar lus 'phags por song nas med zer/ da gling