[A:119]pa'i 'du 'phro byed pas/ sems kyis rlung zin/ sems gnas/ des rnam rtog 'phro 'du thams cad 'gags pas rlung bsgom pa gnad du che bar bzhed de/ gsang 'dus rim lnga las/ rlung rnams phra ba'i gzugs kyis ni/ /shes dang yang dag 'dres gyur nas/ /dbang po'i lam nas byung nas ni/ /yul rnams la ni dmigs par byed/ /ces gsungs so/ /slob dpon sa ra ha'i do ha las/ til gyi shun pa tsam gyi zug rngus kyang / /'gro rnams sdug bsngal 'ba' zhig skyed par byed/ /ces dang / gang la zhen pa yod na de yang thong / /rtogs par gyur na thams cad de yin te/ /de las gzhan zhig sus kyang shes mi 'gyur/ /de yang shes na thams cad grol bar 'gyur/ /zhes pa la sogs pa'i rjes su 'brangs nas slob dpon tog rtse pas/ 'khor ba'i sdug bsngal gyi rtsa ba dngos po la mngon par zhen pa'i rnam rtog yin/ de'i gnyen por de kho na nyid kyi don phyag rgya chen po bsgom pa gnad du che bar bzhed do/ /slob dpon rdo rje dril bu pa'i zhal nas/ 'khor ba'i rang bzhin rgyu rnam rtog dang / 'bras bu duHkha yin te/ de'i gnyen por mi gnas pa'i mya ngan las 'das pa'i rgyu ting nge 'dzin 'di dgos/ de la sems can gyi rgyud la 'bad rtsol byas kyang bla ma'i byin rlabs med na sems la zag med kyi ting nge 'dzin mi skye bas sangs rgyas kyi ye shes mi 'jug /bla ma dang mkha' 'gro'i byin rlabs zhugs na ting nge 'dzin skye bas bla ma'i byin rlabs gnad du che bar bzhed de/ bde mchog rim lnga las/ bla ma'i byin rlabs tsam gyis ni/ /skad cig nyid la 'byung gang yin/ /'khor lo sdom par sbas pa yis/ /byin rlabs rim pa bshad par bya/ /zhes