[A:120]dang / brtag gnyis las kyang / 'di ni byin rlabs rim pa'i phyir/ /kun mkhyen ye shes de lta bu/ /zhes pa ltar/ rdo rje'i tshig rkang las kyang / lam zab bla ma zhes gsungs so/ /slob dpon indra bhu ti la sogs pa rnams kyis/ 'khor ba'i rang bzhin duHkha yin/ /de de'i gnyen po bde ba yin/ /bde ba phyag rgya bsten pa las 'byung bas bde ba'i lam phyag rgya bsten pa gnad du che bar bzhed de/ dbang yon tan rim pa las/ bde bas bde ba chen po kun/ /'khor ba'i sdug bsngal gcod byed cing / /mya ngan 'das pa'i go 'phang mchog /'thob par 'gyur zhes rgyal bas gsungs/ /zhes gsungs so/ /slob dpon birWa pas 'khor ba'i rang bzhin sdug bsngal yin la/ de thams cad kyi rtsa ba rten 'brel bcu gnyis lugs 'byung du 'khor zhing 'khyams la/ de'i gnyen po rten 'brel bcu gnyis lugs ldog shes dgos/ de'i gnad ma shes na dkyil 'khor bsgoms pa dang / stong nyid kyi ting nge 'dzin la sogs pa bsgoms pa nyid kyang bar chad du 'gro ba'i skabs srid/ rten 'brel gyi gnad shes na nyon mongs pa rnam rtog nyid lam gyi mchog tu 'gyur bas na slob dpon 'di rtog pa'i gnyen po rtog med dang / sdug bsngal gyi gnyen po bde ba ni mi bzhed de/ nyon mongs dang / sdug bsngal dang / rnam rtog dang / 'dod yon la sogs pa nyid la brten nas/ lam gyi gnad kyi nyams myong lta ba dang / grub mtha' dang / lam gyi rtags dang / mthar thug 'bras bu'i rtogs pa 'byung bar bzhed la/ de'i gnad rten 'brel lnga gnad du che bar bzhed de/ rdo rje'i tshig rkang las/ rten cing 'brel bar 'byung ba