[A:69]/phyis bla chen las dbang dang gdams ngag zhus te bsgoms pas bral ba'i 'bras bu thob pa zhig byung skad do/ /
mtshar kha'i rnal 'byor pa ni sngar bstan pa bzhin te 'bras bu gsum mngon du gyur pa yin no/ /'od grags ni bla chen la dbang bskur zhus nas bsgoms pas sa skya'i mdun yin pa snyam byed pa zhig na shing ring po gcig gi rtse na khong 'dug pas thur du bltas pas mtsho zhig dmar lhog lhog khol byung / ma gir ma lhung na dga' ste snyam tsa na spyi'u tshugs su lhung nas gting du song bas rus par zangs kyis song / der mtsho grang na dga' ste snyam pas 'khyags te/ de la sbo sbyar nas srad srad byas pas khog ste ngos gcig 'khyags pa la 'byar nas glo snying phrul le 'dug pas sad skad do/ /de lta bu la sogs pa mthong snang bstan pa dang / ting nge 'dzin gyi yon tan mang po mnga' ba yin gsungs skad do/ /
mang chung ma ni bla chen las dbang zhus/ gdams ngag bstan nas/ mang mkhar mda' na sgom zhing yod pas/ ko ko g.yag tu skyes/ der thog tu g.yag khyu gcig byung / bros pas ma thar/ gcig gi rmig pas bcar pa snyam byed pas sad/ g.yag khyu de ka na yar 'gro yin 'dug /ngas cis kyang der skyes zer/ de'ang dud 'gro'i gnas sbyong kho na byung ba mang / de nas kyang btsos su skyes pa mang gsungs/ phyis yun ring du bsgoms pas sdug bsngal gyi rkyen gyis kyang bde ba skye/ na bza' re ba gsol kyang lhag par bde ba'i grogs byed/ rdo ba rang rong gi steng du bzhugs kyang bde ba'i grogs byed/ des rgyu mthun gyi 'bras bu thob pa yin skad do/ /de la snga ma gsum ni rje btsun grags pa'i