[A:70]gsung las bzod pa thob par grub la/ bzhi pa dang bdun pa ni bral 'bras dang rgyu mthun gyi 'bras bu thob pa'i dper mdzad cing / lnga pa'ang 'bras bu thob pa yin la/ 'bras bu 'di dag phal che ba bzod pa las byung ba dang / drug pa la'ang mthong snang brtan po yod par grags la/ de'ang bzod pa las byung bar bshad pas so/ /snga ma dag sgom pa jo lcags dang gnas brtan bsod nams shes rab bsnan nas/ sngar gyi bzhi pa dang lnga pa phyung ba dang / kha cig rje btsun/ byang sems zla rgyal/ rgwa lo/ mang chung / khri bzang / der grub pa sde bdun la bzhed mod/ rgyu mtshan ma mthong bas thams cad bzod pa thob par gzhag dka' zhing / la la bla chen gyi slob mar yang ma grags so/ /zam pa nye shos la mi mang po bsgral ba ni/ mkhas pa dang nus pa dang ldan pa dang / ting nge 'dzin mchog dang
grub thob khams pa rdor rgyal/ grub thob nyi phug pa/ byang g.yag lung gi grub thob be ne bya ston rnal 'byor yang zer/ dpal rgwa lo/ gshen re thul/ sgom pa jo lcags/ gnyen gtsug tor rgyal po/ gnyags dbang rgyal/
ldan pa dang / ku su lu'i tshul du sbas te bzhugs pa la sogs pa dpag tu med pa byung ngo //
! bzhi pa brgyud pa gnyis ji ltar 'phel ba'i tshul la/ dngos dang de las 'phros pa'i lo rgyus gnyis kyi/ dang po ni/ bla chen de la sras bzhi 'khrungs pa las che ba kun dga' 'bar zhes bya ba ma ga dhar slob gnyer mdzad/ rig pa'i gnas lnga la mkhas par gyur nas/ bod la 'byon pa'i grabs byas pa'i thog tu tshad pa'i bsnyung gzhi zhig byung nas dgung lo nyi shu rtsa gnyis par ma ga dha de nyid du sku