[A:73]tha mal du sha chang zhal la mi reg skad do/ /dgung lo bcu pa la sdom pa nyi shu pa dang / sgrub thabs mtsho skyes gsan nas/ bcu gcig pa la gsungs pas tshogs pa thams cad ngo mtshar skyes te blo gros chen po zhes bya bar btags so/ /bcu gnyis pa la kye rdor rgyud gsum gyi pusti gsol ba'i mnal lam byung ba dang / chos thams cad kyi de kho na nyid thugs su chud do/ /de'i tshe sa chen gshegs nas chos 'khor chen po mdzad de/ rang gi slob ma la brtag gnyis gsungs pas ngo mtshar bar gyur to/ /bcu gsum pa la gcen dbus su gshegs pa'i tshe gdan sa gtad/ de nas bzung ste bdun cu'i bar la sngags kyi bshad pa mdzad cing gsung ngag kyang bla ma'i bka' rgya lo dgu mdzad pa las bcuu gsum gyi bar ma gsungs shing / de dag gi bar la sa chen/ slob dpon rin po che/ gnyen gtsug tor rgyal po/ zhang tshul khrims grags/ gnyan dbang rgyal/ bal po dza ya se na/ lo tsA ba dar ma yon tan/ sum pa lo tsA ba dpal mchog /dang po'i rdo rje la sogs pa las rgyud sde bzhi/ phar phyin la sogs pa'i chos kyi rnam grangs bsam gyis mi khyab pa gsan cing thugs su chud par mdzad do/ /chos gang zhus kyang de ma thag thugs la gsung ba las phyis bya gsung pa'i lugs med/ gzhan yang rje na re/ nga thos rgya can zhig min te/ bltas rgya can zhig yin/ bka' sde snod kyi chos la ma bltas pa tsam med/ 'on kyang dge slong zhig bsgrub dgongs nas 'dul ba lung 'di phyi mo thub pa ma gzigs/ de nas dge slong mi 'grub par 'dug nas lung yang gzigs/ thugs dam la shin tu brtson