[A:90]bar gshegs pa'i thugs rje la bskul ba/ zlos gar la rab dga'i 'jug pa dang / rol mo'i bstan bcos/ mngon brjod la tshig gi gter/ bzo rig pa la sku gzugs kyi bstan bcos dang / sa brtag pa'i rab dbye/ gso ba rig pa la yan lag brgyad pa'i don bsdus/ theg pa thun mong la grub mtha' rnam 'byed/ thub pa dgongs gsal/ sdom gsum rab dbye la sogs pa/ thun mong ma yin pa la khrid kyi dkar chag /rten 'brel lnga'i yi ge la sogs pa du ma dang / gzhung lugs spyi la mkho ba'i mkhas pa 'jug pa'i sgo dang / lugs kyi bstan bcos legs bshad la sogs pa ste/ mdor na bstan bcos dri ma med pa du ma mdzad do/ /gzhan yang rje btsun pas dus phyis byang phyogs nas skad rigs mi gcig pa zhwa khra 'phur ba 'dra ba gyon pa/ lhwam phag gi sna 'dra ba byas pas khyed gdan 'dren du 'ong ba yin/ de dus the tshom ma byed par song / sangs rgyas kyi bstan pa la phan pa rgya chen po 'byung zhes lung bstan pa ltar/ rgyal bu go dan gyis gdan drangs nas dgung lo re gsum pa la sa skya nas gdan bteg nas lam na yod pa'i skal ldan rnams la dbang byin rlabs/ rgyud man ngag la sogs pa chos kyi 'khor lo rgya chen po bskor zhing byon/ de'i dbang gis lo gsum bar la lam du 'gor nas/ re lnga pa la rgyal bu dang mjal te chos kyi gsung gleng mang po mdzad/ cung zad ma go ba rnams yu gur gyi mkhas pa rnams kyis mtshams sbyor nas chos sgor bcug pas/ rgyal bu'ang mnyes nas dbang byin rlabs man ngag mang du zhus/ mchod gnas rnams kyi phud du bkur/ de nas bzung ste skad rigs mi