[A:91]gcig pa'i gdul bya chos la mi dad pa rnams dad par byas/ dad pa rnams theg chen gyi chos la btsud de/ mdor na gdul bya dpag tu med pa smin cing grol bar mdzad pas bstan pa dar rgyas phul du phyin par mdzad do/ /de nas lcags phag gi lo tha skar zla ba la sa g.yos chen po byung ba/ ci'i ltas yin zhus pas/ kho bo zhing gzhan du 'gro ba'i ltas yin gsungs/ de nas bzung nas sku ma yol bar du ngo mtshar ba'i ltas bsam gyis mi khyab pa byung ste/ de'ang zla ba de'i nyi shu dgu'i nam phyed na de bzhin gshegs pa sgra dbyangs mi zad par sgrogs pa'i rgyal po dang / tho rangs spyan ras gzigs mngon sum du zhal gzigs/ de nas smin drug zla ba'i bcu gsum gyi nyin par gzims khang gi phyi na 'dug pa'i tshe lha rje bi ji drung na 'dug pa la mkha' la ci 'dug gsungs/ ci'ang mi gda' zhus pas thub pa nyan thos brgyad kyis bskor ba bzhug 'dug gsungs/ bcu bzhi pa la gzims khang rang du bzhugs pa'i tshe sprin gseb na kye rdo rje'i dkyil 'khor gzigs/ bco lnga pa la gzims khang gi phyi na bzhugs pa'i tshe rje btsun 'jam dbyangs lan gsum dang / sku 'chags pa'i tshe sgrol ma gzigs/ de nas de'i mar ngo la babs pa'i tshe gzims mal nas bzhengs nas bi ji la rol mo'i sgra thos pa'am/ ting nge 'dzin skyes pa'am/ mthong snang la sogs pa ci byung gsungs/ gzhan ma byung / rol mo'i sgra thos zhes zhus pas sdig shas chung ba yin/ bde mchog la sogs pa'i dkyil 'khor mang po 'dug gsungs/ de'i phyir nub tho rangs kyi cha la rje btsun pa/ birWa pa/ nag po pa gsum mngon sum du byon