[A:94]cing thugs su chud nas/ dgyes rdor dang phur pa la thugs dam du mdzad/ nag po chen po lcam dral bran du khol ba zhig ste/ de lta bu'i bla ma de shing pho 'brug la 'khrungs nas sa mo phag lo dgung lo nga drug bzhes pa'i dus su rgyal gyi zla ba'i nyi shu gnyis la dag pa'i snang ba mang po gzigs shing bla ma dang yi dam dbyer med pa'i dgongs pa mdzad/ khyed rnams bla ma 'di sangs rgyas dngos su 'dug pas the tshom ma byed par mos gus gyis gsungs te/ nga'ang lho phyogs kyi rgyud du spang ri chen po zhig gi 'dabs su gdul bya 'ga' re la dbang bskur zhing sbas pa'i rnal 'byor gyis lam zab mo nyams su len pa zhig tu skye bar 'dug gsungs nas/ bla ma dang yi dam dbyer med pa la mos gus rtse gcig tu mdzad de thugs dam gyi ngang la sku gshegs so/ /'di la sras bzhi yod pa'i che shos ni bla ma de nyid de/ 'di'i rnam thar la/ gzhon nu'i dus na ji ltar mnga' ba'i yon tan/ nar son pa na bstan pa ji ltar skyong ba/ sku tshe'i mthar ngo mtshar ba'i mdzad pa mdzad tshul/ slob ma'i mchog ji ltar byung ba dang bzhi'o/ /dang po ni/ yum gyi lhums su zhugs pa dang / bltams pa na ngo mtshar ba'i ltas bzang po dang bcas shing / chung ngu nas 'bri klog la sogs pa rig pa'i gnas mang po la 'ga' zhig ma bslabs par mkhyen/ 'ga' zhig dka' tshegs mi dgos par mkhyen la/ sngon gyi gnas dran pa'i mngon shes kyang mnga' ste/ 'di'i snga ma'i skye ba spyan ras gzigs dang gsung gleng mdzad par grags pa'i se ston ri pa yin pas/ de yin min brtag pa'i ched du se ston ri pa'i slob ma gnyis kyis bltar 'ongs pas bla ma 'di byis pa'i khrod na rtse zhing