[A:93]gsum gyis bstan pa la bya ba mdzad pa yin no/
/man ngag gi brgyud pa 'dzin pa ni/ dmar chos rgyal dang / lho pa kun mkhyen rin chen dpal la sogs pa yin te/ snga mas ni/ chos rje pa'i gsung la nan tan gtso bor mdzad nas rdo rje'i tshig rkang la 'grel pa'ang mdzad cing / phyi mas ni/ khrid kyi gsung tho zhu ba'i ched du byang ngos su rkang 'gros kyis 'byon pa la sogs man ngag gi ched du dka' ba du ma mdzad ces thos so/
/rtogs pa'i brgyud 'dzin ni/ gtso bor tshogs sgom kun dga' dpal dang / grub thob yon tan dpal gnyis te/
dang pos chos rje pa lo bcu gsum bsten nas chos rje la bzhugs pa'i sngags mtshan nyid kun dang / khyad par du gsung ngag la nan tan mdzad de rlung bsgoms pas rgyu ba gsal ba rnam pa nges pa la sogs pa'i yon tan mngon du gyur nas sgrub pa rtse gcig tu mdzad de tshul khrims kyi dri dang / bsams na shes pa'i mngon shes la sogs pa ting nge 'dzin gyi yon tan mang po brnyes pa yin no/ /phyi mas kyang chos rje nyid la dbang dang gsung ngag la sogs pa chos mang po zhus te/ bsgoms pas rlung gi yon tan dang ting nge 'dzin dpag tu med pa la mnga' brnyes skad do//
! gnyis pa bla ma chos kyi rgyal po'i rnam thar ni/chos kyi rje nyid kyi chos las skyes pa'i sras lung rig man ngag du ma'i brgyud pa 'dzin pa ni/ 'phags pa blo gros rgyal mtshan dpal bzang po zhes bgyi ste/ de'i yab ni/ chos rje pa mched gnyis yod pa'i gcung bsod nams rgyal mtshan yin te/ de'ang bla ma rje pa dang chos rje pa las lung rig man ngag du ma gsan