[A:95]bzhugs pas mkhyen nas/ khyed 'ongs sam gsungs pas/ khong gnyis po khyed kyis mkhyen nam zhus pas/ shes te khyod ni nga'i slob ma 'di dang 'di'o zhes gsungs pas/ dad nas lus thams cad kyis 'dud par gyur to/ /de nas nam zhig na chos rje pa'i phyag phyir skyid grong du byon pa'i tshe glang ri pa'i dge 'dun rnams kyis mjal ba dang / btsun pa bgres po zhig la nga'i nye gnas bkra shis grub byung zhes gsungs pas/ des kyang rang gi bla mar shes te zhabs la 'jus nas mchi ma phyung ngo zhes grags so/ /
de'i sku tshe snga mar ska ba dpal brtsegs kyi'ang skye bar grags so/ /
de nas dgung lo gsum pa la sgrub thabs mtsho skyes la sogs pa gsungs pas kun gyis ya mtshan du 'dzin to/ /'di ni nges par 'phags pa'o/ /zhes phyogs kun tu grags pa ste/ de phyin chad 'phags pa zhes mtshan du grags so/ /brgyad pa la skyes rabs thugs la gsungs/ dgu pa la chos rjes sngon 'gro'i chos 'khor mdzad dus na brtag gnyis gsung / tshogs kyi gtam bshad mdzad pas thams cad ngo mtshar te mkhas pa thams cad kyi nga rgyal chag cing snyan pas khyab par gyur to/ /bcu pa la chos rje pa'i phyag phyir byang ngos su byon pa'i lam du dbus su chos rje pas mkhan po/ zur phu pa'i mkhan po na bza' 'phreng gsol gyis slob dpon mdzad nas rab tu byung ste/ skyor mo lung pa'i mkhan po shes rab seng ge las dge tshul gyi bslab bya rnams gsan no/ /de nas bcu bdun pa la chos rje pa la mnga' ba'i yon tan phal che ba thams cad rdzogs pas chos rje pa thugs shin tu mnyes te/ bstan pa'i khur bzod par dgongs nas/