[A:429]gter mdzod/ mtshams sbyor bsdus pa snying po bsdus pa rnams kyi steng du tshar lugs kyi phyag len bsabs// !
mus chen gyis mdzad pa'i mngon rtogs/ lus dkyil/ dbang chu/ de rnams kyi lhan thabs tshar chen gyis mdzad pa bcas tshar lugs ltar yod kyang / dkon lhun gyi yig cha dang khyad par med gsungs/
dam tshig dang sdom pa'i thob mtshams sngags 'chang bsod nams chos 'phel gyis mdzad pa'i 'jigs byed lha bcu gsum ma'i dbang bshad las kyang kha bskangs te/ nub dang po sta gon dang / dngos gzhi'i dbang yongs su rdzogs pa dang / de dang lhan cig rgyal tshab dam pa kun dga' dbang phyug gi yig steng nas aShtA'i bzlas lung dang bcas pa slob bshad pa'i khyad chos rnams gzhan dang ma 'dres par mtha' chod cing / sbyang gzhi sbyong byed ngo 'phrod pa'i rgyu dus kyi dbang bskur ba smin rgyas legs par thob bo// // ! de ltar smin zin grol bar bya ba'i slad du 'jam dbyangs mkhyen brtse'i yig cha la mang thos klu sgrub kyi gsung gis brgyan te/ dbang gi ye shes la gang zag gi bdag tu log par rtog pa dgag pa'i phyir kun gzhi rgyu rgyud la 'khor 'das dbyer med kyi lta ba bsgom pa'i khrid la nang gses su lhan cig skyes pa'i chos gsum gyis sems thag nang nas gcad/ nyams su blang ba'i gnad gsum gyi sgo nas brtan zhing bogs dbyung ba/ rgyud gsum gyi sgo nas shin tu zab rgyas su bshad pa'i nyams khrid shin tu zhib pa'i sgo nas rig thog tu brdar sha bcad de gzhi dus kyi lhan cig skyes pa'i ye shes rtog med de ngo 'phrod nges pa dang / de dag gi skabs su tshar chen rin po ches mdzad pa'i bla ma lnga bcu pa'i 'grel