[A:431] ! de nas tshar chen gyis mdzad pa'i nang bskyed pa'i rim pa'i rnam bshad zin thun du bshad pa dang / lus dkyil gyi sems 'dzin/ lta ba la sogs pa bum dbang gi dmigs khrid yongs su rdzogs pa dang / bdag med lha mo bco lnga sindhU ra'i dkyil 'khor du ngag chos dang / 'jam mgon mkhyen brtse'i dbang po'i yig steng nas byin rlabs legs par thob bo// //de nas gnyis pa gsang dbang dang rjes su 'brel ba'i lam bdag byin gyis brlab pa khams 'dus pa dang po rlung dang gtum mo drod rtags kyi khrid yongs su rdzogs pa dang / gsum pa shes rab ye shes kyi dbang dang rjes su 'brel ba khams 'dus pa bar pa dkyil 'khor 'khor lo 'dod pa'i lcags kyu/ dga' bzhi lugs 'byung lugs ldog tu nyams su blang ba'i khrid rnams dang / bzhi pa dbang bzhi pa dang rjes su 'brel pa'i khams 'dus pa tha ma rba rlabs gsum mam/ skyon med gnyug ma ye shes la brten pa'i khrid de/ de re re la'ang lam/ lta ba/ grub mtha'/ 'da' kha ma/ bar do/ rmi lam/ sgyu lus dang bcas pa'i dbang po rab 'bring tha ma gsum gyi lam cha tshang ba re re slob bshad thun mong min pa'i lugs ltar shin tu smin pa dang / de dag gi cha lag tu gtogs pa'i byin rlabs kyi skor la/ birWa pas sa chen la stsal ba'i zab chos bzhi zhes grags pa las/ ngag chos kyi yig cha'am/ thar paN gyi yig steng nas lam zab phyi ma'i byin rlabs dmigs khrid dang 'brel pa/ bir srung thun mong pa'am/ phyi ma'i byin rlabs ngor chen gyi yig cha la ngag chos kyi zur 'debs sbyar ba'am/ thar paN gyi yig cha bklags chog ma'i steng nas byin rlabs sgom lung dang bcas pa dang / yang kun mkhyen bsod nams seng ge'i yig cha la ngag chos kyi zur 'debs sbyar ba'i steng nas bir srung thun mong ma yin pa'am/ nang ma'i byin rlabs dbang bzhi'i tshul du bskur ba sgom lung dang bcas pa dang / ngag chos kyi yig steng nas lam sbas bshad kyi byin rlabs sngon du 'gro ba'i/ bdag