[A:473] ! bdag chen rdo rje 'chang blo gros rgyal mtshan gyis mdzad pa'i dam tshig rnam bshad kyi 'grel pa rtsa ltung 'khrul spong gi dgongs pa rab tu gsal ba'i brgyud pa ni/ kun blo yan gsung ngag rtsa ba'i brgyud pa ltar la/ de nas yar lung pa nam mkha' legs pa/ 'dren mchog ngag dbang rin chen/ khams ston ngag dbang bzang po/ dpon slob ngag dbang legs grub/ mkhan chen byams pa kun dga' bstan pa'i rgyal mtshan/ des bdag la'o// // ! dpal sa skya pa chen po sngags 'chang bla ma thams cad mkhyen pa ngag dbang kun dga' bsod nams kyis mdzad pa'i rtsa rlung 'khrul 'khor la brten nas rnal 'byor pa rnams zab lam byang chub sgrub pa'i rim pa bklags chog ma'i brgyud pa ni/ mdzad pa po nas byams pa kun dga' bstan pa'i rgyal mtshan bar lam 'bras rtsa ba'i brgyud pa ltar ram/ yang na/ 'dra min bcas gong ngor chen gyi rnam dag ma dang 'dra'o// //chos rje mkhas grub kun dga' dpal ldan gyis mdzad pa'i lus sbyong dang 'khrul 'khor gyi lag len gsal bar 'doms pa sngags 'chang rin po che'i do shal nyid lung rgyun ma bzhugs pas bdag gis gtum mo'i me drod rang 'bar zhes bya bar mtshan bsgyur te lung spel zhus khul lo// //yang bdag chen gyi gsung brda don gsal ba'i khrid yig /lam sbas te bshad pa'i man ngag gi zin bris/ 'khor 'das dbyer med kyi khrid yig bcas kyi brgyud pa ni/ 'dra min gnyis ka gong dam tshig rnam bshad ltar ro// //paN chen ngag