[A:477]med mkhan chen rdo rje 'chang 'jam dbyangs shes rab rgya mtsho/ des bdag blo gter dbang po la'o/ /kye rdor nang mchod skabs kyi bla brgyud/ bstod bkra/ rigs lnga'i phyag mtshan bcas kyi brgyud pa ni/ dmigs su ma smos kyang dbang chu chen mo'i khongs las mi 'da' bar 'brel nas gnas snyam mo// //bdag chen gyis mdzad pa'i dpal kye rdo rje man ngag lugs kyi lam dbang bskur ba'i cho ga rtsa ba'i brgyud pa ni/ gong dam tshig rnam bshad ltar la/ der zin dang ngag 'don sbas pa'i tshul du bzhugs pa rnams phyung ste mchan gyi rnam par bklags chog tu bsdebs pa po ni bdag nyid do// //tshar chen gyis mdzad pa'i kye rdor dbang chu'i gsal byed lhan thabs nor bu'i phreng ba'i brgyud pa ni/ gong bshes gnyen bsten tshul shlo ka lnga bcu'i 'grel pa ltar ro/ /rgyu dbang gi skabs kyi zur rgyan mtha' dpyod tshar lugs kyi gsung rgyun ltar bris pa lung rgyun ma bzhugs pas bdag gis lung spel zhus khul lo// //dpal sa skya pa 'jam mgon a mes zhabs ngag dbang kun dga' bsod nams kyis mdzad pa'i rje btsun rdo rje bdag med ma lha mo bco lnga'i sgrub thabs ma nor don gsal dang / dkyil chog gsal byed phrin las kun khyab/ dbang chog gzhan phan bdud rtsi'i rol mtsho bdag gis zhal gsal cung zad zhus pa bcas kyi brgyud pa ni/ gong dbang gi brgyud pa las gnyis su ma mchis so// //sgrub thabs dang dkyil chog gi tho yig dkon mchog lhun grub kyi gsung ni gong yab bka' dang dbyer med do// //