[A:492]skyes bdud rtsi'i thigs phran/ rgyal dbang lnga pa'i gsung lam zab phyi ma'i nyams len gnad sgril 'jug bde/ rdor brag padma phrin las kyi gsung dges mdzad rdo rje'i phyi nang bskyed rim gyi dmigs gnad zin bris shin tu bsdus pa'i brjed byang slob bshad bdud rtsi'i snying po/ don grub rdo rjes mdzad pa'i lam zab khrid kyi zin bris skal bzang snying gi mun sel/
'di la lung rgyun yod med ma gsal/
sa skyong bla chen gyis tshar lugs gsung rgyun ltar bris pa'i dkyil chog skabs kyi zur rgyan/ dbang gong ma gsum gyi skabs kyi zur rgyan/ shar chos rje mkhas grub kun dga' dpal ldan gyis mdzad pa'i gsung ngag rin po che lam 'bras bu dang bcas pa'i zab khrid 'chad tho smin grol dngos grub rab 'phel zhes bya ba bcas mtshan nas brjod pa dang / gzhan yang zab gsang bla na med pa 'di'i chos skor dang cha lag tu gyur pa skyes mchog gong ma mkhas grub gnyis ldan mkhyen brtse nus gsum gyi bdag nyid can rnams kyis mdzad pa'i bstan bcos ngo mtshar rmad du byung ba sna tshogs pa zhig dbyar dus padma'i tshal chen rgyas pa bzhin re re nas mtshan bgrang ba las 'das pa lung rgyun bzhugs min ci rigs par mchis pas dpyod ldan don du gnyer ba dag gis 'bad rtsol chen pos btsal te gsan bsam dpyis phyin par cis kyang mdzad 'tshal lo// // / /rtsa ba'i sa bcad gnyis pa tshogs bshad kyi brgyud rim zhar byung du dgod pa la'ang gnyis/ tshogs bshad kyi skor dngos dang / de las gzhan pa nyer mkho'i rigs 'phros don gyi tshul du gleng bslang ba'o/ /dang po ni/ mdzod las/ tshul gnas thos dang bsam ldan pas/ /sgom pa la ni rab tu sbyor/ /zhes gsungs pa ltar/ rim par rgyal