[A:48]lnga la mkhan chen lhun grub dpal ldan pas kye rdor la brten pa'i sku gdung sreg sbyong gi cho ga phul/ phyag g.yog rnams kyis dgongs rdzogs kyi rim pa rje nyid kyis bzhengs pa'i bka' 'gyur gyi 'phros rgyud 'bum dang / lam 'bras brgyud pa'i kha skong gi sman sku dus thang dang / dus ja'i rgyun 'dzugs pa sogs dgongs rdzogs yang dag bsgrubs so/ /rgyas par mkhan chen lhun grub dpal ldan gyis mdzad pa'i rnam thar du blta'o// //sgrub khang nas 'jam mgon dpal mchog rgyal mtshan ni/ gcan lung mkhas sngar mkhas grub dpal ldan don grub kyi sku dbon du byon/ de yang yab chos skyong bkra shis/ yum a khrid zer zhes thos dgung rta sa phag la byon/ rigs sad pa'i yon tan dang ldan/ sku na gzhon nu nas e waM du khu bo rigs dang dkyil 'khor thams cad kyi bdag po dpal ldan don grub kyi drung du bsnyen/ e waM ba'i 'don chos spyod/ gzhung lugs chen po rnams dang bcas pa kun chub par mdzad/ 'dzam gling byang phyogs kyi skye dgu kun gyi gtsug rgyan dpal sa skya pa rtse gdong khri chen 'jam dbyangs kun dga' bsod nams kyis mkhan po/ mkhas grub dpal ldan don grub nyid kyis las slob sogs dge 'dun gyi dbus su bsnyen par rdzogs/ mkhan slob de dag dang / brang ti nam mkha' sangs rgyas/ shar chen shes rab 'byung gnas sogs la gsan pa rgya cher mdzad/ khrid rim dang lha bsnyen mang po mthar phyin/ mkhas grub nyid kyi gsung gis khyed rang chos mthun gyis tshe tshad kyang nga rang tsam 'ong / phrin las kyang dga' mo 'ong gsungs thog tu phebs te sku tshe khu bo las lo gcig gis ring ba byung mdo khams su sde dger byon nas bstan 'gro'i don rgya chen po yun rings mdzad/ de nas 'chi sa dbus gtsang du byed gsungs nas nan tan chen pos ngor du byon/ sngon gyi thugs bskyed legs smon mthus dgung lo re dgu pa lug lo'i ston e waM khrir phebs/ gsung ngag tshar bzhi la