[A:595]shrI e wa~M pa'i gdan rabs nor bu'i phreng ba'i zhal skong bdud rtsi'i thigs phreng zhes bya ba/ / /oM swa sti siddhaM/ gzod nas shin tu rnam par dag pas srid pa'i mun pa kun zos te/ /kha sbyor bdun gyi snang ba cher rdzogs bla na med pa'i rtser 'dzegs kyang / byama~Xs pa~X'i gzi yis 'gro kuna~X dga~X' ster bstana~X pa~X'i rgyala~X mtsha~Xn sgreng ba po/ /dpal ldan bla ma dgyes pa rdo rje byang chub bar du snying dbus mchod/ /srid pa'i brlan kun gdod nas bskams kyang snying rje 'o ma'i chu gter phyur/ /yon tan 'bras bzang nyid kyis 'dzin yang phan bde'i 'dod rgu kun la stsal/ /rgyal bas tshangs dbyangs gling bus bsngags pas yang yang bskor zhing dam du 'khyud/ /'jig rten dbang phyug kun dga' bzang po rgya mtsho'i blo la lha phyag brtseg /lung dang rig pa'i chu gter la gnas rtsod dang rtsom pa'i phud sgra sgrogs/ /bslab gsum nor bu'i gdengs ka 'bar bas log rtog dbul phongs yongs su bcil/ /smin grol bdud rtsi'i char rgyun 'bebs pas sku bzhi'i lo thog rgyas mdzad pa/ /dpal ldan bla ma klu rgyal tshogs kyis shis pa'i me tog char du stsol/ /zhes pa'i tshig gi me tog nyung ngu 'thor bas mdun bsus te/ gang zhig brjod par bya ba'i snying por/ rnam par snang mdzad gang chen mtsho'i phyag mthil gyi rdul phra rab la gnas pa'i gzhi dang snying po me tog gis brgyan pa'i zhing khams kyi nang gses/ stong gsum gyi stong chen po mi mjed 'jig rten gyi khams zhes grags pa'i bye brag dbus kyi gling chen po bzhi pa'i 'jig rten gyi khams zhes bya ba las/ lho phyogs 'dzam bu'i gling gi byang phyogs kha ba can gyi ljongs 'dir sprul pa'i rgyal blon rnams kyi bdag rkyen las lo paN rnams kyis dam pa'i chos kyi srol btod/ dar zhing rgyas par mdzad pa las/ rje btsun 'jam dpal dbyangs 'od gsal 'chi med rigs las bsam bzhin du skye ba'i 'khri shing bzung ba rje btsun gong ma lnga la sogs pa rnams kyis lung rtogs kyi bstan pa rin po che gong nas gong du 'phel bar mdzad pa las/ phyis su thub pa'i bstan pa spyi dang / bye brag rje btsun sa skya pa rnams kyi bzhed srol 'dzin pa rnams kyi nang nas gtsug gi nor bu ltar gyur pa/ sngags kyi bstan pa 'dzin pa la ngor rdzong gnyis su grags pa'i nang nas ches mchog tu gyur pa ni/ bcom ldan 'das thub pa'i dbang pos lung bstan gyi me tog lan gcig ma yin pa yang nas yang du 'thor ba'i ngor chen rdo rje 'chang kun dga' bzang po zhes mtshan snyan gdugs dkar po gcig gis srid pa dang zhi ba'i khyon thams cad yongs su khebs pa de nyid 'jig rten du byon te/ de bzhin gshegs pa'i bstan pa la ston pa gnyis pa lta bu'i mdzad pa rlabs po che'i sgo nas/ rgyal ba'i bstan pa rin po che spyi dang / bye brag rdo rje theg pa'i chos skor thams cad sa'i steng phal che bar dar zhing rgyas par mdzad pa yin no/ /de nas kyang rje de nyid kyi rgyal tshab tu mi 'jigs gdong lngas bteg pa'i chos kyi khri 'phang mthon por mnga' gsol ba'i bstan 'dzin gyi skyes bu bar ma chad pa mu tig bstar la brgyus pa ltar byon pa las/ mus chen 'khor lo sdom pa nas gdan rabs nyer drug pa mkhan chen shes bya bzang po'i bar gyi rnam thar mdor bsdus re 'jam mgon sangs rgyas phun