nams dpal 'byor rnams gtso bor bsten nas/ sdom gsum bdud rtsi'i blo gros kyis lus stobs rgyas pa dang / rgyud sde bzhi dang 'brel ba'i dam pa'i chos 'bad rtsol gyi sgo nas gsan cing / gzhung la thos bsam legs par mdzad/ zab don la sgom pa'i klong brdol/ grub pa'i rtags mtshan du ma mnga'/ byams pa kun dga' bstan 'dzin gyi gdan tshab tu/ mkhas grub bye ba'i gtsug rgyan ngor chen rdo rje 'chang gi chos kyi khri la zhabs zung 'khor los mtshan pa lhar bcas 'gro ba'i mchod gnas su 'gyur ba med par ring du bkod de/ 'jigs bral rnal 'byor dbang phyug gi bzhed srol gsung ngag rin po che sogs theg gsum rgyud sde bzhi'i dgongs don dbang lung khrid bcas du mas dbus gtsang khams gsum gyi slob tshogs smin par mdzad pa dang / 'jig rten khams su phan bde'i sgo brgya phrag 'byed pa'i phyir du/ rten gsum drung mchod sprin dpag med spro ba sogs mnyam rjes thams cad du gsang gsum lha sngags ye shes kyi rnam rol las ma g.yos bzhin du rgyal sras byang chub sems dpa'i spyod pa la bslab pa dang / ngag dbang blo gros bstan 'dzin/ chos rje rin chen lhun grub/ bshes gnyen ngag dbang bstan pa sogs bu slob mang po bskrun pa bcas dam pa'i mdzad phrin gyis sa gsum khyab pa'i bshes gnyen dam pa 'brel tshad bslu ba med pa zhig go /
!gdan rabs zhe brgyad pa yongs 'dzin dpal ldan chos kyi rgyal mtshan dri med legs pa'i blo gros ni/ mi nyag bse'u rgyal po'i sras la a ca spun bdun skyes pa dpon khag bdun du gyes pa'i ya gyal 'ga' thar dpon gyi gdung rgyud la 'ga' thar ma 'ju brag zhabs su/ yab dam pa'i yon tan mnga' ba zhig dang / yum chos la dad pa a la padma zhes zer ba zhig las ngo mtshar ba'i ltas dang bcas te sku bltams/ shes rab snying brtse sogs theg chen gyi rigs phun sum tshogs pa'i rtags rdzogs/ 'bri klog sogs tshegs med du mkhyen/ gso dpyad kyi gzhung rgyud bzhi bslabs shing phyag len du bstar nas gzhan don mdzad/ bzhag ra lha rtser skor ba pheb pas ma 'ongs par ngor gyi mkhan por byon pa'i rten 'brel 'grig /dgung lo nyi shu skor ngor du byon pas/ rta babs mchod rten du pheb pa dang chos dung 'bud pa dus mnyam pas chos kyi grags pas srid khongs 'gengs pa'i snga ltas su gyur/ mkhan chen ngag dbang dam chos las bsnyen rdzogs kyi sdom pa bzhes shing tshul khrims spyan 'bras bzhin bsrungs/ sems bskyed dang rdo rje theg pa'i dbang bskur gsan pas sum ldan rdo rje 'dzin pa chen por gyur/ mkhas grub ngag dbang dam chos gtsos yongs 'dzin du ma las dpal ldan sa skya pa'i zab chos rnams kyi dbang khrid lung sogs rgyun gang bzhugs legs par gsan/ ngor gyi 'don cha skor/ rgyud chung bzhi/ kun tu dgos pa'i gzhung bdun sogs thugs 'dzin dang thos bsam mdzad tshul tsam las rig pa'i padmo 'dab stong grol bas gzigs pa tsam gyis tshig don thugs su chud/ rigs gzhung mkhyen pa'i mkhas grub 'ga' las sgra ka lA pa/ sdeb sbyor rin 'byung / snyan ngag me long ma/ rtsis dkar nag sogs rig gnas duu ma sbyangs/ lanytsa/ wartU la sogs yig ris sna tshogs bslabs/ thub bstan rta nag tu pheb nas mkhan po rab 'byams pa 'ga' las bsdus gzhung nas bzung pod chen lnga gsan sbyangs mthar phyin par mdzad pas drung rams