nas yang du bzhes/ jo bo bka' gdams pa'i bka' srol byang chub kyi sems rin po che la blo sbyong ba'i gzhung / gdams ngag /man ngag gi skor bzhugs so cog gsan cing thugs dam gyi mthil du mdzad/ mkhan chen rdo rje 'chang mched zhal sogs las rgyud sde bzhi dang 'brel ba'i dbang khrid man ngag gi skor bzhugs so 'tshal gsan pas thugs rgyud yongs su gtams pa sogs sum ldan rdo rje 'dzin pa chen por gyur/ nyi zla lta bu bcu phrag rig pa'i ma hA paNDi ta 'jam dbyangs mkhyen brtse'i dbang po dang / 'jam pa'i dbyangs ngag dbang legs grub rnam pa gnyis las sgra tshad/ /snyan ngag /sdeb sbyor/ mngon brjod/ gso rig sogs phyi'i rig pa cha lag dang bcas pa gsan pas bcu phrag rig pa'i ma hA paNDi ta zhes grags pa'i rgyud mangs srid pa'i rtse mor bsgrengs/ bka' 'gyur ro cog dang bstan bcos lung bzhugs tshad/ dus 'khor/ brtag gnyis/ mtshan brjod sogs rgyud kyi bshad bka' grags chen bco brgyad sogs dang / bka' gdams gsar rnying gi gdams ngag gzhung be'u bum gyi rigs du ma gsan pas mdo sngags kyi glegs bam gcig pur gyur/ de ltar gsan pa tsam du ma zad nyin mtshan khor yug tu zab pa dang rgya che ba'i chos tshul mtha' dag la gzigs rtog rgyun mi 'chad par mdzad pas grub mtha' rang rang gi lta sgom gyi bzhed tshul/ phyag bzhes kyi spyod pa/ man ngag gi gnad gsang / grub mtha'i khas len/ gzhi lam 'bras bu'i rnam gzhag la sogs pa ma 'dres par gzigs te/ rtsod pa dang the tshom gyi gnas la mi 'jigs pa'i spobs pa rnyed pas smra ba'i khyu mchog chen por gyur/ rdo rje 'chang mched zhal las gsung ngag rin po che tshogs slob kyis mtshon pa'i snyan brgyud tshad ma bzhi ldan gyi gdams pa mtha' dag gsan bsam mthil phyin par mdzad/ de'ang gsan lo tsam du ma bzhag par phyag len phra mo tshun chad kyang byang chub/ 'chad rtsod rtsom gsum gyi skabs ma gtogs thun bzhi'i rnal 'byor las nam yang mi 'da' ba'i tshul gyis nyams su blangs pas rim gnyis kyi drod rtags mngon du gyur/ chos nyid gnyug ma lhan cig skyes pa'i ye shes rjen par gzigs/ chos can gyi snang ba thams cad lha'i 'khor lor shar/ rdo rje'i chos skyong rnams kyis bran bzhin du bya ba byed/ gsung ngag tshogs bshad tshar brgyad/ slob bshad tshar lnga gtsos pa'i zab khrid/ gzhan yang khrid brgya/ rang lugs kyi khrid chen brgyad/ lam rim dang blo sbyong sogs thun mong dang thun mong ma yin pa'i khrid rim mang po/ ngor dkyil bdun lan grangs/ rdo rje phreng ba/ sbyong rgyud tshar gnyis/ zur bka'i rigs mtha' klas pa sogs kyi dbang bka' dpag tu med pa/ sgrub thabs rgya mtsho tshar gsum gyis gtsos pa'i rjes gnang gi rigs shin tu mang ba/ gzhung lugs rnams kyi bshad bka'/ thun mong sgra snyan sogs kyi phyag khrid/ bstan 'gyur dang / bod kyi shing rta chen po rnams kyi gsung 'bum gtsos bka' 'bum be'u bum gyi rigs te rgyab brten lung gi skor bgrang ba las 'das pa sogs zab cing rgya che ba'i chos bka' 'chad spel la rtag tu gzhol/ rmad du byung ba'i gsung rtsom gyi rigs kyang pusta ka lnga tsam bzhugs/ gangs can gyi ljongs 'dir bzhugs so 'tshal gyi rgyud sde rin po che'i shing rta'i srol chen po btod/ gsung las skyes pa'i bstan 'dzin gyi slob