du pheb/ mchod sprin rgya mtsho mngon par sprul pas tshogs gnyis rgya cher spel ba sngon du bsgrubs nas/ nyer bdun nas so gcig bar mkhan po'i las khur bzhes/ byams pa kun dga' bstan 'dzin mched zhal/ yongs 'dzin paNDi ta 'jam mgon ngag dbang legs grub sogs las kye rdor bka' babs bzhi sogs zab chos rgya mtsho lta bur gsan/ bla brang rtsis bzhes skor thar rtse la phul nas/ mdo khams su byon/ sga ldan gnyis dang khyad par sde dge chos rgyal sogs skye rgu che phra rnams kyi mchod gnas mdzad/ nyag rang dmag zing skabs bsam gtan gyi tsher ma chen po byung yang / ting nge 'dzin stobs kyis bar chad kyi g.yul las rgyal/ 'jam dbyangs mkhyen brtse'i dbang po'i drung nas mkha' spyod skor/ kye rdor rgyud bshad sogs gsan/ mkhas grub kun dga' dpal ldan drung nas gsung ngag slob bshad/ rwa khrid/ mgon po che chung gi pod sa ngor tshar gsum gyi snyan brgyud yod do cog bum pa gang byo'i tshul du gsan/ sku chung ngu nas dngos sam rmi lam du yi dam chos skyong mang pos zhal gzigs/ sku tshe'i smad du sga thag lung dgon dang nye ba'i bka' 'gyur sgar zhes pa'i dben gnas su sgrub pa kho na la bzhugs pas nyams rtogs kyi padmo rab tu bzhad/ skye rgu don gling sogs su gsung ngag slob bshad/ mgon po che chung sogs chos 'khor bla na med pa bskor/ rje btsun rta mgrin dbang mo/ mkhan chen ngag dbang bsod nams rgyal mtshan/ dpal ldan blo gros rgyal mtshan/ ngag dbang bstan pa'i rgyal mtshan/ sde dge chos rgyal dpal ldan 'chi med rtag pa'i rdo rje sogs slob tshogs mtha' yas pa spel/ rje nyid dgung grangs re gsum bzhes pa shing sprel lo hor zla dgu pa'i tshes bcu bzhi'i tho rengs ngo mtshar ba'i ltas dang bcas gzugs sku'i bkod pa chos dbyings su bsdu ba'i tshul rgyas pa mkhan rin po che dpal ldan blo gros rgyal mtshan gyis mdzad pa las shes par bya'o //
! gdan rabs nga gsum pa bdag cag gi rtsa ba'i yongs 'dzin nges par don gyi thams cad mkhyen pa thar rtse'i mkhan chen rdo rje 'chang byams pa kun dga' bstan pa'i rgyal mtshan ni/ rab byung bcu bzhi pa sa glang lor brang ti mkhas pa'i rigs su ngo mtshar ba'i ltas dang bcas mtshan dpe'i me tog gsar du bzhad/ gzhon nu'i dus nas sems can bsad pa'i sha khrag gzigs pa tsam gyis snying rje chen pos spyan chab bsil ba dang / dben pa'i gnas la ches dga' ba/ dbang bskur chos 'chad la sogs pa dam pa'i bag chags 'dor mi bzod pa/ rab tu byung ba'i phyogs la thugs lhag par gzhol bas dgung lo bzhi par dpal e wa~M chos ldan du pheb/ yi ge'i ma mo nas brtsams te e wa~M pa'i 'don tshogs/ kun tu dgos pa'i gzhung bdun sogs thugs 'dzin gnang bar dus thung ngus dka' ba med par khong du chud/ 'khor ba'i phun tshogs la zhen log gi nges 'byung drag pos brtan mkhas kyi yon tan yongs su rdzogs pa khu bo mkhan chen byams pa kun dga' bstan 'dzin gyis mkhan po dang / rnal 'byor 'jam dpal bzang pos las kyi slob dpon sogs kyi zhal snga nas tshigs gsum rim nod kyis bsnyen par rdzogs pa dge slong gi dngos por bsgrubs/ gnang bkag gi bslab gzhi phra rags thams cad spyan 'bras bzhin bsrung mtshams las mi 'da'/ theg pa chen po'i sems bskyed srol gsum gyi sdom pa yang