ba dang po'i nang nas ris sgra 'byin pa sogs rtags 'tshubs mang po byung ba mchog dman kun gyi ji yin snyam dogs kyang rje 'di nyid zhing gzhan du gshegs pa'i snga ltas su phyis nas go /de skabs sku cung zad bsnyung tshul bzhes par rim gro rgya cher bsgrubs kyang bstan 'gro'i don de tsam gzigs pas ma bzlog pa'i tshul gyis zla ba gnyis pa'i tshes nyer gnyis nyin dgong mo 'da' kha ma'i rnal 'byor la brten te zhi dbyings mnyam par gzhag pa dang dus mnyam sa g.yo ba sogs skyes bu dam pa gshegs rtags ngo mtshar can kun gyis gsal ba dang / zhag gsum pa'i thog kho bos thugs dam rtsal bkrol zhus pa'i snga dro nyin thang las zhal dkyil dang zhing gzi byin rgyas pa dang / sku drang por bzhugs par zhus zin nas dbu cung zad gug pa dang mdangs yal ba sogs 'od gsal las zung 'jug gi skur bzhengs pa'i rtags mngon par mjal/ gdung zhugs 'bul skabs gdung rus dum gcig gis me ma bzhes pa phyis thugs dam snying po'i snang brnyan rang byon 'khrungs/ dgongs rdzogs zab rgyas bsgrubs/ gdung rten gser zangs dang / rin chen gnyis pa las grub pa nang gzhug tshad ldan bum sgor ye shes sems dpa'i tshul du gong gi gdung rus rang byon bzhugs pa bcas shin tu rtsa gras bsam 'grub mthong grol chen por bzhugs pa 'di nyid do/ /
!gdan rabs nga bdun pa 'jam dbyangs rin chen rdo rje ni/ gtsang gi sa char gzhis ka chen po bsam 'grub rtser/ yab bla ma pad rdor/ yum brang ti'i rigs las son pa sbyin pa bzang mo gnyis kyi sras su me bya lor sku 'khrungs/ e wa~M thar rtser pheb nas/ yi ge 'bri klog sogs rim par bslabs/ byams pa kun dga' bstan 'dzin las dge bsnyen gyi sdom pa dang / 'jam dkar/ dbyangs can ma'i rjes gnang sogs gsan pas mkhyen rab padma'i 'dab ltar bzhad/ khyab bdag rdo rje sems dpa' ngur smrig gar gyis rol pa mkhan chen byams pa kun dga' bstan pa'i rgyal mtshan dpal bzang po'i drung nas tshigs gsum rim nos kyi dge slong gi sdom pa dang / brgyud pa'i khyad par gnyis ldan gyi sems bskyed/ kye rdor man ngag lugs kyi dbang bzhi yongs rdzogs gsan te/ sum ldan rdo rje 'dzin pa chen por gyur/ sdom pa gsum gyi bsrung bya mtha' dag mig 'bras bzhin gces par bskyangs/ mkhan chen de nyid dang zhwa lu blo gsal bstan skyong sogs dam pa mang po gus pas bsten nas rgyud sde bzhi dang 'brel ba'i smin grol/ rjes gnang / byin rlabs du ma/ rdo rje phreng ba/ gsung ngag rin po che tshogs slob gnyis sogs zab khrid mang po/ bstan 'gyur/ gong ma lnga/ ngor chen sogs dam pa mang po'i bka' 'bum/ yi dam chos skyong nor lha rnams kyi be'u bum sogs mdor na thar rtse rdo rje 'chang la mnga' tshad kyi dam pa'i chos mtha' dag bum pa gang byo'i tshul du gsan pas rgya mtsho lta bu'i pha rol tu son/ yi dam mang po'i bsnyen sgrub mthar phyin/ spangs rtogs kyi yon tan rab tu rdzogs te zla ba'i dkyil 'khor nya gang ba ltar gyur pas na/ rgyal ba gnyis pa'i chos kyi rgyal tshab tu mnga' gsol/ che rgu mang pos bsnyen bkur gyis gzengs bstod/ lo brgyad du khri bskyangs skabs/ dgun chos sdom gsum lam 'bras cha lag bcas/ dbyar chos ngor dkyil bdun/ rdor phreng sogs chos kyi char pa phab pas skal bzang gi slob tshogs mtha' yas